ڕۆژا سێشەمبی 16ـێ نیسانا 2024ـێ ل سەلاحەددین سەرۆك مەسعود بارزانی پێشوازی ل پاتریك دوریل، بالیۆزێ فەڕەنسا ل عیراقێ كر.
ئەڤرۆ دیدارێدا دووپات ل ڕەوشا سیاسییا عیراقێ و دەڤەرێ و هەروەسا ڕەوشا سیاسییا ناڤخۆیا هەرێمێ كر و بالیۆزێ فەرەنسا ل عیراقێ كەیف خۆشییا خۆ نیشاندا ژ پێخەمەت چارەسەركرنا ئاریشەیێن دناڤبەرا هەولێر و بەغدا و دیاركر، كو فەرەنسا هەمی دەما هەڤسۆز و پشتەڤانێ گەلێ كوردستانێ یە و پێدڤیە مافێن گەلێ كوردستانێ د چارچووڤێ عیراقا فیدرال ب پارێزین.
سەرۆك بارزانی پێزانین بۆ ڕۆلێ دیرۆكا فەڕەنسا هەبوو د پشتەڤانیكرنا مافێن ڕەوایێن گەلێ كورد د هەمی قۆناغاندا و ئاماژە ب خەبات و قوربانیدانا گەلێ كوردستانێدا ژ پێخەمەت گەهشتن ب ئازادی و سەروەری و مافێن نەتەوەیی.
ل دۆر ئەنجامدانا هەلبژارتنان سەرۆك بارزانی دیاركر، پارتی هەردەم ئامادەیە بۆ هەلبژارتنەكا پاقژ و هەلبژارتن دویر بن ژ ئاریشەیێن یاسایی و تەکنیکی.
هەروەسا سەرۆك بارزانی هیڤی خواست لایەنێن سیاسی یێن هەرێمێ د چارچووڤێ ڕێزگرتن ل ئیرادەیا خەلكێ كوردستانێ و بەرژەوەندییێن بلندێن هەرێمێ و بەرچاڤ وەرگرتنا كولتوور و بهایێن دیموكراسی د خزمەتا پاراستن و بهێزكرنا هەرێما كوردستانێدا بن.
