ئاژانسا خانی
پەیڤدارێ ڕێڤەبەریا گشتییا حەج و عومرێ دیاركر، هەمی ئامادەكاری بۆ پڕۆسەیا ئەڤسالە یا حەجێ هاتینە كرن و دهێتە چاڤەڕێكرن ل هەیڤا بهێت حەجییێن هەرێما كوردستانێ گەشتێ بكەن.
کاروان ستوونی، پەیڤدارێ ڕێڤەبەریا گشتییا حەج و عومرێ ڕاگەهاند، ئەڤ سالە جارا ئێكێ یە ل هەرێما كوردستانێ ڤیزەیا حاجییان دهێتە وەرگرتن كو سالێن پێشتر دڤیابا پاسپۆرت هاتبانە ڕەوانەكرن بۆ دەرڤەیی هەرێما كوردستانێ كو گەلەك جاران ئاریشە دروست دبوون.
دەربارەیی ژمارەیا حەجییێن هەرێما كوردستانێ کاروان ستوونی ئاشكەراكر، ئەڤ سالە چار هزار 685 كەس ژ هەرێمێ دێ سەرەدانا مەككەهێ كەن بۆ ئەداكرنا حەجێ.
پەیڤدارێ ڕێڤەبەریا گشتییا حەج و عومرێ هۆشدارییێ ددەتە وەلاتییان كو ب ڕێكا ڤیزەیا بازرگانی یان ژی ڤیزەیا سالانە كو هەر جۆرەكێ دی، یێ فەرمی نینە یێ تایبەت بیت ب گەشتێن عومرێ یان حەجێ، هەر دەمێ ئاشكەرا بوون ل سعوودی دێ رێنماییێن توند ل گەل هێنە كرن و وەك حكومەتا هەرێما كوردستانێ ژی بەرپرسیارەتییێ ناهەلگرن.
