په‌یڤدارێ وەزارەتا داراییا حکومەتا ھەرێما کوردستانێ دیار كر: سیستەمێ پڕۆژەیێ ھەژمارا من زۆر ژ پڕۆژێن عێراقێ پێشکەفتیترە و نوكه لێکتێگەهشتنه‌كا باش دناڤبه‌را حکومەتا ھەرێما کوردستانێ و عێراق ل سەر ئەوی پڕۆژەیی ھەیە.
ھونەر جەمال، هێشتا دبێژیت: پڕۆژه‌یێ ھەژمارا من پڕۆژەكێ گرنگ و ستراتیژییە و به‌ری كو دادگه‌ها فیدرالی بڕیارێ ل سه‌ر بده‌ت مە دەست پێکربوو و مه دڤێت دابەشکرنا مووچەیی بهێته ئەلکترۆنی كرن، پڕۆژەیێ ھەژمارا من ب تنێ لایەنه‌كێ دابەشکرنا مووچەیە و کۆمەكا لایەنێن دیتر بخۆڤه دگریت” كو گرێدایە ب دامەزراندنا ئابووره‌كێ ب ھێز و پێشخستنا ژێرخانا بانکی ل ھەرێما کوردستانێ.
ناڤهاتی گۆت ژی: ل سەر وی پڕۆژەیی مه لێکتێگەهشتنه‌كا باش ل گەل حکومەتا عێراقێ ھەیە و ب تنێ پێدڤی ب ڕوونکرنه‌كا دادگه‌هێ ھەیە” كا چاوا تەفسیرێ بۆ بانکان دکه‌ت، چونكی مەرجه‌عێ ھەموو بانکێن عێراقێ بانکا ناڤەندییا عێراقێیە، وان ژی ئاگه‌هی لسه‌ر ڤی پڕۆژیی هه‌یه و چ تێبینیێن تەکنیکی لسەر ئەوی پڕۆژەیی نینن و سیستەمێ ڤی پڕۆژەیی گه‌له‌ك ژ یێن وان پێشکەفتیترە، مە شوینگرێ بانکا ڕافیدەین و ڕەشید ھەنە و به‌ی سێ سالان مه کار لسەر ڤه‌کرنا بانکا نیشتمانی کرییە، لێکتێگەهشتنه‌كا باش دناڤبه‌را سەرۆکێ حکومەتا ھەرێما کوردستانێ و عێراقێ لسەر ئەڤی پڕۆژەیی ھەیە.
