عه‌ون زیاب وه‌زیرێ ژێده‌رێن ئاڤا عیراقێ ڕاگه‌هاند، ئه‌وان هه‌ماهه‌نگییه‌كا تمام دگه‌ل حكومه‌تا هه‌رێما كوردستانێ هه‌یه، پلانا دروستكرنا 10 به‌نداڤان ل هه‌رێما كوردستانێ بۆ به‌رهه‌مئینانا هێلێن كاره‌بێ و ئاڤێ هاتییه ئاماده‌كرن و كه‌ڤتییه دناڤ بودجه‌یا فیدرالیدا.
سێ به‌نداڤێن مه‌زن و 20 به‌نداڤێن بچووك و چه‌ندین پۆند ل هه‌رێما كوردستانێ هه‌نه، نوكه ل به‌نداڤا دووكان دوو ملیار مه‌ترێن سێجا یێن ئاڤێ هاتینه كۆگه‌هكرن، ل به‌نداڤا ده‌ربه‌ندیخان ئێك ملیار و 500 ملیۆن مه‌ترێن سێجا و ل به‌نداڤا دهۆك ژى 28 ملیۆن مه‌ترێن سێجا هاتینه كۆگه‌هكرن، ل 20 به‌نداڤێن بچووك ژى زێده‌تر ژ 85 ملیۆن مه‌ترێن سێجا یێن ئاڤێ هاتینه كۆمكرن.
