بۆ ئەڤ سالە پێشبینی دهێتەكرن، 10 ملیۆن گەشتیار سەرەدانا هەرێما كوردستانێ بكەن، سەرۆكا دەستەیا گەشتوگوزارێ ژی دیاردكەت، ڕێژەیا گەشتیارێن بیانی ب ڕێژەیا 25% بلند بوویە.
ئەمەل جەلال، سەرۆكا دەستەیا گەشتوگوزارێ ل هەرێما كوردستانێ، د كونگرەیەكێ ڕۆژنامەڤانیدا ڕاگەهاند، ل دویڤ ئەو پلانا هاتیە دانان، پێشبینی دهێتەكرن بۆ ئەڤ سالە 10 ملیۆن گەشتیار دێ سەرەدانا هەرێما كوردستانێ كەن.
هەروەسا دیاركر، حكومەتا هەرێما كوردستانێ، شیایە د چەند سالێن بووریدا ژمارەیا گەشتیاران بلند بكەت، ل دویڤ ئاماران سالا بووری هەشت ملیۆن گەشتیاران سەرەدانا هەرێما كوردستانێ كربوو.
