سه‌رۆككۆمارێ توركیا گه‌هشته به‌غدا و ئه‌ڤرۆ خشته‌یه‌كێ پرى كۆمبوون دگه‌ل مه‌زنه به‌رپرسێن عیراقێ و هه‌رێما كوردستانێ هه‌یه.
ڕه‌جه‌ب ته‌یب ئه‌ردۆگان سه‌رۆككۆمارێ توركیا دێ ل ده‌مژمێر 11:30 ل به‌غدا دگه‌ل له‌تیف ڕه‌شید سه‌رۆككۆمارێ عیراقێ كۆمبیت.
ئه‌ردۆگان دێ ل ده‌مژمێر 12:45 دگه‌ل محه‌مه‌د شیاع سوودانى سه‌رۆكوه‌زیرێن عیراقێ كۆمبیت، ل ده‌مژمێر 13:15 كۆمبوونا شاندێن توركیا و عیراقێ ل به‌غدا دێ هێته‌كرن.
ل ده‌مژمێر 14:30 ڕێوره‌سمێن ئیمزاكرنا ڕێككه‌ڤتن و یاداشتنامه‌یا هه‌ڤپشك دێ هێنه گێران، دووڤدا كۆنفرانسێ ڕۆژنامه‌ڤانییێ سه‌رۆككۆمارێ توركیا و سه‌رۆكوه‌زیرێن عیراقێ دێ هێته دانان.
سه‌رۆككۆمارێ توركیا دێ ل ده‌مژمێر 19:30 گه‌هیته هه‌ولێرێ.
ل ده‌مژمێر 19:40 نێچیرڤان بارزانى سه‌رۆكێ هه‌رێما كوردستانێ و مه‌سرور بارزانى سه‌رۆكوه‌زیرێن هه‌رێما كوردستانێ دێ دگه‌ل ڕه‌جه‌ب ته‌یت ئه‌ردۆگانى كۆمبن.
