<h2 style="text-align: justify;"><span style="font-size: 18pt;">سهرۆكێ ههرێما كوردستانێ ل 126 سالییا ڕۆژنامهگهرییا كوردى و دهركهڤتنا ئێكهم ژمارهیا ڕۆژنامهیا كوردستانێ، پهیامهك ئاراستهى ڕۆژنامهڤانان كر.</span> <span style="font-size: 18pt;">نێچیرڤان بارزانى سهرۆكێ ههرێما كوردستانێ دپهیاما خوهدا ڕاگههاند، پشتهڤانییا خوه یا تمام بۆ ڕۆژنامهڤانان و باوهرییا خوه ب ئازادییا ڕۆژنامهگهرى و ڕادهربرینێ وهكو بنهمایهكێ سهرهكییێ ههر كۆمهلگهههكا دیموكرات و ئازادیخواز دووپات دكهن.</span> <span style="font-size: 18pt;">داخواز ژى ژ ڕۆژنامهڤانان كر، پابهندى قانوونا كارێ ڕۆژنامهگهرى و ئیتیكێن ڕۆژنامهڤانییێ بن دڕاستگویى، ههڤسهنگى، بێلایهنى، دووركهڤتن ژ نووچهیێن سهخته و زمانێ زڤر بن، ههروهسا پشتهڤانێن پاراستنا ئاشتییا كۆمهلایهتى و سهقامگێرییا سیاسی و پارێزهرێن بهرژهوهندییا بلندێن گهل و نیشتیمانى بن.</span> <span style="font-size: 18pt;">دپشكهكا دییا پهیاما خوهدا سهرۆكێ ههرێما كوردستانێ ڕۆلێ ڕێكخراوهیێن ناڤخۆیى و نێڤدهولهتییێن تایبهت ب چاڤدێریكرنا ڕهوشا ئازادییا ڕۆژنامهگهری و ڕادهربرینێ ل ههرێما كوردستانێ بلند دنرخینن، دووپاتییێ ل هندێ ژى دكهن، دڤێت لایهنێن پهیوهندیدار ل دووڤ قانوونا ڕۆژنامهگهرى ل كوردستانێ سهرهدهرییێ دگهل ههر كهیسهكا بیاڤێ ڕۆژنامهڤانییێ بكهن.</span></h2>
