ئاژانسا خانی:
خدر مەنتک ئەندامێ په‌رله‌مانێ عێراقێ ل سەر لیستا پارتی دیموكراتی كوردستان” ده‌ربارەیی سەره‌دانا ڕەجەب تەیب ئەردۆغانی سەرۆککۆمارێ توركیا عێراقێ بۆ هەولێرا پایتەختێ هەرێما کوردستانێ بۆ ئاژانسا خانی دیار كر: د ده‌مه‌كی دا كو هەرێما کوردستانێ ل چەند هه‌یڤێن بوری دا ب بزاڤێن چەند هێزێن سیاسی ل ناڤخۆیا عێراقێ و هەرێما کودستانێ و ئیرانێ رووبڕوو ئاستەنگێن سیاسی و ئابووری بوون، كو مه‌ره‌ما وان ژێ لاوازکرنا پێگەهـ و بنپێێکرنا مافێن شەرعی و یاسایی و دەستووری یێن حکومەتا هەرێما کوردستانێ بوون” لبەرچاڤگرتنا ئەوان ئاستەنگێن چەند هه‌یڤێن بوری، کو ئیران و عێراقێ و چەند لایەنێن ناڤخۆیی کوردستانێ و کو سیاسەتا دوژمنکارانە بەرامبەر حکومەتا هەرێما کوردستانێ دگرتەبەر” سەره‌دانا سەرۆککۆماری تورکیا بۆ عێراقێ و هەرێما کوردستانێ وەکو روودانه‌كا گرنگ و د ده‌مێ خۆدا دەردکەڤیت.”
ناڤهاتی” سەره‌دانا سەرۆککۆمارێ تورکیا ب نیشانا هندێ وەسف دكه‌ت” كو تورکیا، کوردان وەکو ڕۆله‌كێ سەرەکی د کاروبارێن هەرێمیدا دبینیت و گۆت:” ئەڤە دشێت بزاڤێن هەرێما کوردستانێ بهێزتر بکه‌ت و سەره‌دانا سەرۆکێ تورکیا بۆ هەولێرا پایتەختێ کوردستانێ ئاماژەكا رۆهن و ئاشکرایە بۆ دانپێدانا دبلۆماسی و پشته‌ڤانییا حکومەتا هەرێما کوردستانێ، د ده‌مه‌كێدا کو مافێن یاسایی و دەستووری یێن هەرێما کوردستانێ ب ڕێیا دادگه‌ها فیدرالی و ژ لایێ لایەنێن ناڤخۆیی و دەرەکیڤه دهێنه بەرهنگاری كرن، پەیوەندییێن تورکیا ل گەل حکومەتا هەرێما کوردستانێ وەکو پەیامه‌كا بهێز و هاریکاری و هه‌ڤپشك دهێته دیتن.
خدر مه‌نتك هێشتا دبێژیت: هەرێما كوردستانێ مفایه‌كێ مه‌زن د بیاڤێ ئابوورییدا ژ توركیا وەرگرتییە، ئەڤه به‌رۆڤاژی ئەوانە یێن كو دبێژن مفایێ خراب ژ وان پەیوەندییان وەربگرن” توركیا جیرانه‌كا گه‌له‌كا گرنگە، ئەگەر په‌یوه‌ندییێن هەرێما كوردستانێ ل گەل توركیا باش نەبن، چ هیڤی بۆ بەردەوامییێ نابن و ژ لایێ ئابووریڤە دێ خه‌ندقیت” هه‌تا نوكه ئیران ناهێلێت چ كەرەستەیێن كارگەهه‌كا بەرهەمئینانێ” خۆ ئه‌وێن ل سلێمانییێ ژی، هەموو ژ توركیا دهێن و ئیران رێكێ ناده‌ت چ ئامیرێن بەرهەمهێنەر بهێنە دناڤا هەرێما كوردستانێ دا” له‌وما تورکیا هه‌ڤپشكه‌كێ بازرگانییێ سەرەکییە بۆ هەرێما کوردستانێ و وەبەرهێنانه‌كا بەرچاڤ هەیە ك کەرتێن جۆدا دا” سەره‌دانا ئه‌ردۆغانی دێ ده‌لیڤان په‌یدا كه‌ت بۆ بهێزکرنا پەیوەندییێن ئابووری و ڤه‌دیتنا دەرفەتێن نوویێن وەبەرهێنانێ و باشترکرنا پەیوەندییێن بازرگانی” ئەڤە دشێت گەشەیا ئابووری ل هەرێما کوردستانێ بهێز بکه‌ت و پتر ده‌لیڤێن کاری په‌یدا بكه‌ت و ئاستێ ژیانا خه‌لكێ هەرێما کوردستانێ باشتر لێ بکه‌ت” هه‌روه‌سا سه‌ره‌دانا سه‌رۆكۆكمارێ توركیا دێ رێكێن نوو بۆ بازرگانی و وەبەرهێنانێ و پڕۆژێن هه‌ڤپشك ڤه‌كه‌ت.
هێشتا دبێژیت” هەماهەنگییا ئاسایشێ دناڤبه‌را تورکیا و هەرێما کوردستانێ دا زۆرا گرنگە بۆ پاراستنا سەقامگیرییێ ل سەر سنوورێن هه‌ڤپشك” سەره‌دانا وی دێ ده‌لیڤه‌كێ په‌یدا كه‌ت بۆ دوپاتکرن و بهێزکرنا ئه‌وێ هەماهەنگییێ، ب تایبەتی د چارەسەرکرنا نیگەرانییێن ئاسایشا هه‌ڤپشك وەک ئاسایشا سنووری و بزاڤێن دژە تیرۆرێ” دناڤبه‌را گرژی و ئەوان ئاستەنگێن ڕووبروو هەرێما کوردستانێ دبن ژ لایێ ئیرانێ و عێراقێڤە، هێلانا پەیوەندییه‌كا بهێز ل گەل تورکیا دشێت یا هاریكار بیت د هه‌ڤسەنگیکرنا داینامیکا ده‌ڤه‌رێ و پشكداریکرن د سەقامگیرییێ دا. ئه‌و ژی گۆت: پشكداریکرنا تورکیا ل گەل حکومەتا هەرێما کوردستانێ دشێت وەکو بەرهنگاربوونەكێ کاربکه‌ت بۆ کاریگەرییا هێزێن هەرێمی یێن دیتر و هاریكارییا هەرێما کوردستانێ بده‌ت بۆ هندێ ب شێوەكێ کاریگەرتر واقعێ جیۆپۆلیتیکی یێن ئالۆز برێڤە ببه‌ت” ب پاراستنا پەیوەندییێن بهێز ل گەل تورکیا، هەرێما کوردستانێ دشێت پەیوەندییێن دبلۆماسی و ئابووریی یێن خۆ هەمەجۆر بکه‌ت و پشتبەستنێ ب هەر وه‌لاته‌كێ دیتر كێم بكه‌ت کەم” هه‌روه‌سا ” پرانییا ئەوان كەس و لایەنێن ل سەر سەره‌دانا ئەردۆغانی د ئاخڤن، ئه‌و بخۆ حەز دكەن ئەوان پەیوەندی ل گەل توركیا هەبن و گه‌له‌ك بزاڤ ژی كرینه، بەلێ ژبەركو توركیا ئه‌وان ب نوونەرێ هەرێما كوردستانێ و كەسێن خۆدان سۆز نادانیت و دزانیت وان بەرژەوەندییا خۆ نه‌ڤێت و زۆرتر بەرژەوەندییا خەلكه‌كێ دیتر دڤێت، له‌وما توركیا پەیوەندییێ ل گەل وان ناكه‌ت.
