ئاژانسا خانی:
د. جیهاد دۆسكی ” سه‌رۆكێ ئێكه‌تییا زانایێن ئایینێ ئیسلامێ لقێ دهۆك” تایبه‌ت بۆ ئاژانسا خانی دیار كر: هه‌ڤژینییا مسیارێ به‌رۆڤاژییه و ل گەل مەرەمێن دروستێن خێزانێ د ئیسلامیدا ناگۆنجیت و ل گەل دابونەریتێن جڤاكێ کوردی ئەڤ هه‌ڤژینییە نەیا مەقبولە و سەرپێچییە و داخواز دکەین خۆ بدەنە پاش ژڤان جۆرین هه‌ڤژینییێ و داخوازێ ژ مامۆستایێن خۆ یێن ئایینی یێن بەرێز دکەین ب چ ره‌نگان ڤێ هه‌ڤبەستێ ئەنجام نەدەن بۆ کەسێ.
ناڤهاتی گۆت ژی” ژبەر ڤان ئه‌گه‌ران ڤێ هه‌ڤژینییێ نه‌كه‌ن” چونكی كێماسییە د مافێن ژنان دا ژبەر وان تەنازۆلێن د مافێن وان دا وەک ئاكنجیبوون و نەفەقە، ئەڤە ژی نە دادپەروەرییە دناڤبەرا خێزاناندا”
هه‌روه‌سا کارتێکرنه‌كا خراب دکەڤیتە دناڤبەرا پەیوەندییێن خێزانێ دا سه‌قامگیر نابیت ب شێوەکێ گشتی” دیسان دێ کارتێکرن ل زارۆیان بیت ژلایێ دەروونی و جڤاكی ژ ئەگەرێ نەهاتنا ئێک ژ دەیک و بابا بەردوام یان هەردویان” کو زارۆك دێ هەست ب پاشگوهخستنێ کەن” نه‌بوونا ئاشکراکرنێ دڤێ زەواجێدا کو ب شێوەکێ نهێنی دهێتە کرن” دبیتە ئەگەرێ پەیدابوونا ئاریشیان ده‌مێ ئاشکرا دبیت.
د. جیهادی گۆت ژی: ئه‌ڤه راوستییانە بەرامبەر یاسایێ و شەریعەتی د هندەک کۆمەلگەهاندا کو مافێت زارۆیان دهێنە خوارن د حالەتێ ژێکڤەبوونێ و مرنێ دا” هه‌روه‌سا کارتێکرن ل جهـ و مەکانەتێ ژنێ دا دهێتە کرن و پێ کێم دبیت د کۆمەلگەهێ دا ب تنێ دهێتە بکار ئینان بو مەرەمێن سكسی و سۆزدارییێ.
