دهقێ پهیاما نێچیرڤان بارزانى: ئهڤرۆ ئهم یادا خهمگینا ( 50 ) سالییا شههیدبوونا ب دههان قوتابى و ماموستایێن زانكۆیا سلێمانییێ و وهلاتییێن سڤیل یێن قهلادزێ ل بیر دئینین، كو ل 24ى نیسانا 1974 بوونه قوربانییێن تاوانهكا دییا ڕژێما وى دهمى یا عیراقێ، سلاڤان بۆ گیانێ وان یێ پاقژ دهنێرین، ب ڕێزڤه ل بیردئینن و بیرهوهرییا وان ب خێر بیت. شههیدكرنا قوتابی و ماموستایێن زانكۆ و خهلكێ سڤیلێ قهلادزێ د بۆردوومانهكا ترسنۆكا ئاسمانیدا، گوڕ و تینا زێدهتر ب گیان و ئیرادهیا بهرهنگارى و ڕووبڕووبوونا ستهم و دیكتاتۆرییێ دا و گهلێ كوردستانێ موكۆمتر ل سهر دۆز و داخوازی و مافێن خوه یێن ڕهوا درێژییێ ب خهبات و تێكوشانێ د دهت. ئهڤ تاوانه و قوربانییێ وێ ڕۆژا زانكۆیا سلێمانییێ ل قهلادزێ و خهلكێ شۆرهشگێرێ دهڤهرێ، ب تنێ لاپهرێ مێژووى و خویناوى و ب ئازار یێ گهلێ كوردستانێیه، كو دڤێت وانهیان ژێ وهربگرین و ب ئێكرێزى و تهبایى و پێكڤهیا خوه، بۆ ههردهم ڕێ ل دووبارهنهبوونا ئهوێ مێژوویێ بگرین و ب ئومێدڤه كار بۆ پاشهرۆژهكا باشتر بكهین. سلاڤ بۆ گیانێ پاقژێ شههیدێن قهلادزێ پشدهر و تماما شههیدێن كوردستانێ.
