سه‌ره‌ڕای ڕێنمایێن توند ژی ل دژی بازرگان و بكارئینان و بەلاڤكرنا ماددەیێن هۆشبه‌ر، چاڤدێرێن عیراقێ دیار دكەن، پشكەكا زۆر یا ماددەیێن هۆشبه‌ر ل ناڤخۆیا عیراقێ دهێنە بەرهەمئینان.
عامر فاییز، ئه‌ندامێ جڤاتا نوونەرێن عیراقێ دیاركر، بەرهەنگاربوونا مادده‌یێن هۆشبه‌ر ژ كار و پێشینه‌یێن حكومه‌تێ یە و ڕێنماییێن پێدڤی دگرنەبەر، تۆڕێن بازرگانی زێدەتر گه‌نج بكاردئینن، وەكرییە كو ڕێژه‌یا ئالووده‌بوو و تاوانكاران بلند بیت.
ل دویڤ دووماهی ئامارا وەزارەتا ناڤخۆیا عیراقێ، هەتا نوكە 11 هزار بكارهێنەرێن ماددەیێن هۆشبه‌ر هەنە كو ژوان 4500 بازرگان و فرۆشیار هاتینە دەستەسەركرن، حەفت ناڤەندێن چاره‌سه‌ریا ئالووده‌بوویان ل به‌سره، زیقار، بابل و به‌غدا هاتینە ڤەكرن.
