دهمێ سێ ڕۆژانه شاندهکێ ئیدارەیا سەربەخۆیا زاخۆ سەرهدانا دەوحە پایتەختێ قەتەر کریه، سی بابەتێن گرنگ هاتنه گوتۆبێژكرن ژ وان ژى د بیاڤێ وەبەرهێنان، ئیدارهیا و دەستەخوشك د ناڤبهرا زاخۆ و دەوحە و وەرزش.
گوهدار شێخۆ، سەرپەرشتیارێ ئیدارەیا سەربەخۆیا زاخۆ ڕاگههاند، شاندهكێ ئیدارەیا سەربەخۆیا زاخۆ سەرهدانا قەتەر کریه، چەندین دیدار هاتینه ئەنجامدان، کو سێ مەرهم ب خۆڤه گرتینه، ژ وان ژى د بیاڤێ وەبەرهێنان، ئیدارهیا و دەستەخوشك د ناڤبهرا زاخۆ و دەوحە و وەرزش، هەروەسا ئەو کۆمبوونێن هاتینه ئهنجامدان دلخۆشکەربوون، ب تایبەتی د بیاڤێ وەبەرهێنانێ دا.
ههروهسا دیاركر، مه ل گەل وەبەرهێنەرێن قەتەر ڕهوشا كوردستانێ شرۆڤهكر، ههروهسا د داهاتیدا دێ شاندهكێ وهبهرهێنهرێن قهتهر سهرهدانا زاخۆ كهن.
سەرپەرشتیارێ ئیدارەیا سەربەخۆیا زاخۆ ڕاگەهاند ژی، د هەماندەمدا مە سەرەدانا سەرۆکایەتییا باژێرڤانیا دەوحە کر ل گەل دا باس ل چەوانییا كاركرنا باژێرڤانی و پاقژكرنا باژێری و بابەتێ ئەندازیاری كر، هەروەسا ئەم گەلەك دلخۆش بووین ب هەبوونا دەستەخۆشك یا زاخۆ و دەوحە و تیمەكا وان دێ سەرەدانا زاخۆ كەن و دێ كار ل سەر هندێ ھێتەكرن بابەتێ دەستەخۆشك بهێتە بجهئینان و ئیمزا ل سەر بهێتە كرن.
