بریاره ئه‌ڤرۆ ل ده‌مژمێر 1:00 نیڤرۆ جڤاتا نوونه‌رێن عیراقی كۆمببیت، دانوستاندنێ و ده‌نگدانێ ل سه‌ر چه‌ند پرۆژه‌یان بكه‌ت.
سێ برگه‌یێن ڕوونشتنێ تایبه‌تن ب ده‌نگدانێ ل سه‌ر پرۆژه‌یا قانوونێن پێشنیازا ئێكێ یا قانوونا به‌رهنگاربوونا له‌شفرۆشییێ، هه‌موارا ئێكێ یا قانوونا ڕێكخستنا ب كرێدانا زه‌ڤییێن چاندنێ و تابوكرنا وان ل سه‌ر ناڤێن ده‌رچوویێن چاندنێ و ڤیتێرنه‌رییێ و هه‌لگرتنا ڤیزه‌یا پاسپۆرتا دیپلۆماسى دناڤبه‌را عیراقێ و كۆرا باشووردا.
ل دووڤ هه‌موارا قانوونا به‌رهنگاربوونا له‌شفرۆشییێ، هه‌ڤره‌گه‌زخوازى ب تاوان دهێته هژمارتن، هه‌ر كه‌سه‌كێ په‌یوه‌ندییه‌كا ژ وى جۆرى دروستبكه‌ت، سزایێ وى دێ دناڤبه‌را زیندانكرن بۆ هه‌تا هه‌تایێ و سێداره‌دانێدا بیت.
