بالیۆزخانا فرەنسا ل عێراقێ ده‌ربارەیی وێ هێرشا ل سەر کێڵگەها غازا کۆرمۆر هاتە دەنگ و پشته‌ڤانییا خۆ بۆ حکومه‌تێن هه‌رێما كوردستانێ و عێراقێ دوپاتكر و گۆت: فرەنسا ب توندی ئیدانا هێرشا دوهی ئێڤارێ ل کوردستانا عێراقێ ل دژی کێڵگەها غازا کۆرمۆر دكه‌ت، کو بوویە ئه‌گه‌رێ لێکەفتنا چەندین قوربانییێن مەدەنی و زیانێن مه‌زن یێن مادی.”
گۆت ژی: فرەنسا سەرەخۆشییێ ئاراستەیی خێزانا قوربانییێن وێ هێرشێ دكه‌ت و هیڤییا باشبوونێ بۆ برینداران دخوازیت.”
هەروەسا بالیۆزخانا فرەنسا دبێژیت: فرەنسا هه‌ڤسۆزییا خۆ بۆ دەستهه‌تدارێن هەرێما کوردستانێ دەردبریت و ئاماژە ب رێزگرتنێ ل هه‌موو ژێرخانا وزەیێ دكه‌ت کو د بەرژەوەندییا هه‌موو كۆمه‌لێن خەلکێ عێراقێ دانه” دیسان فرەنسا پشته‌ڤانییا خۆ بۆ حکومه‌تێن هه‌رێما كوردستانێ و عێراقێ دوپاتكر بۆ سەقامگیری و سەبەخۆیی و سەروەرییا عێراقێ.”
