هه‌ڤپه‌يمانيیا نێڤده‌وله‌تى و كار بده‌ستێن هه‌رێما كوردستانێ كۆمبوون

ئه‌ڤرۆ سێشه‌مبی ل‌ سه‌رۆكاتییا هه‌رێما كوردستانێ، كۆمبوونا هه‌ڤپه‌يمانيیا نێڤده‌وله‌تيیا ل دژى داعشێ ب سه‌رۆكاتییا ئه‌مريكا، ل گه‌ل كار بده‌ست و لايه‌نێن په‌يوه‌نديدارێن هه‌رێما كوردستانێ ژ سه‌رۆكایه‌تی و حكومه‌تا هه‌رێما كوردستانێ و هێزێن پێشمه‌رگه‌یی هاته‌ كرن.

د وێ كۆمبوونێ دا داوی پێنگاڤ و ڕێكارێن پرۆسا چاكسازییێ ل‌ وه‌زاره‌تا كاروبارێن پێشمه‌رگه‌یێ حكومه‌تا هه‌رێما كوردستانێ و ڕێكخستن و يه‌كخستنا هێزێن پێشمه‌رگهیی به‌حس كرن‌ و هه‌لساندن بۆ هاته‌ كرن، هه‌روه‌سا رۆناهی خرايه‌ سه‌ر به‌ره‌ف پێشڤه‌چوونێن وێ پرۆسێ‌ و ده‌رباره‌یى كێشه‌ و گرفتێن ل هه‌مبه‌ر و چاوانییا چاره‌سه‌ركرنا وان، هاتنه‌ به‌حسكرن.