مەسرور بارزانی ل گه‌ل شانده‌كێ جڤاتا پیرێن ئه‌مريكا كۆمبوو

ئه‌ڤرۆ شه‌مبییێ‌، 04-05-2024 ێ” مەسرور بارزانى، سه‌رۆكێ حکومەتا هەرێما كوردستانێ، پێشوازى ل شانده‌كێ جڤاتێن پیرێن ئەمریکا كر كو ژ سێناتۆر تێد بە‌د و سێناتۆر جۆنى ئێرنتس پێكهاتبوون.

د وێ‌ كۆمبوونێ دا كو ئەلینا ڕۆمەناوسکی، بالیۆزا ئەمریکا ل عێراقێ و مارک سترۆ کونسولێ گشتی ل هەرێما کوردستانێ ئامادە ببوون؛ گۆتوبێژ ده‌ربارەیی پێشڤه‌برنا پەیوەنديیێن دوولایەنە و داوی پێشخستنێن عێراق و گرنگییا پاراستنا مافێن دەستووریی و شایستەیێن دارایی یێن هەرێمی کوردستان هاتنه‌ کرن.

شاندێ جڤاتا پیرێن ئەمریکا،”پشته‌ڤانییا وه‌لاتێ خۆ بۆ پاراستنا ئاسایش و ئارامییا هەرێما کوردستانێ دوپاتکر”.

سەرۆکێ حکومەتێ سوپاسییا پشته‌ڤانییا بەردەواما ئەمریکا کر، ب تایبەتی د پشته‌ڤانییا پێشمەرگەیی دا” دوپاتی ل گرنگییا چارەسەرکرنا کێشێن هەرێما کوردستانێ و حکومەتا فیدرالی ل سەر بنەمایێ دەستووری و ڕێککەفتنان و هەروەسا ڕێزگرتن ل سیستەمێ فیدرالی و قەوارێ دەستووريیێ هەرێما کوردستانێ کرییە.

تەوەره‌كێ دیتر یی وێ دانوستاندنێ یێ تایبەت بوو ب هەڵبژارتنێن پەرلەمانێ کوردستانێ ڤه‌، ته‌كه‌زی ل سه‌ر گرنگییا ئەنجامدانا هەڵبژارتنه‌كا ئازاد و شەفاف و دادپەروەرانە، ب پشكدارییا هەموو لایەنان و پاراستنا مافێن پێکهاتان هاته‌ کرن.