فەوزی ھەریری: نێچیرڤان بارزانی بۆ بهێزكرن و نووکرنا پەیوەندییان دێ چیتە ته‌هرانێ

سه‌رۆکێ دیوانا سه‌رۆکاتییا ھەرێما كوردستانێ دبێژیت، ئارمانجا سەرەکی یا سەره‌دانا نێچیرڤان بارزانی بۆ ته‌هرانێ، بهێزکرن و نووکرنا پەیوەندییێن دوقولییە.

فەوزی ھەریری، گۆت ژی، “سەرۆکێ هەرێما کوردستانێ چەندین جاران ب شێوەكێ فەرمی بۆ ئیرانێ هاتییه‌ گازیكرن و نوكه‌ ره‌وش یا گونجایی بوو، بۆ هندێ ئه‌و سەردانە بهێته‌ کرن.

ئه‌و ژی گۆت: ئیران و هەرێما کوردستانێ، پەیوەندییەکا سیاسی و ئابوورییا مێژوویی هەیە” هەروەکو چاوا ل گەل تورکیا مه‌ باشترین پەیوەندی هەیە، دڤێت هەمان ئاراستە ل گەل ئیرانێ ژی بزاڤێ بۆ بكه‌ین؛ بەلێ د هەمان ده‌مدا پێدڤییە ئران ڕێزێ ل سەروەرییا عێراقێ و هەرێما کوردستانێ بگریت”.

فه‌وزی هه‌ریری گۆت ژی، ئارمانجا سەره‌دانت سەرۆکێ هەرێما کوردستانێ بۆ ته‌هرانێ، بهێزکرنا پەیوەندییان و نووکرنا هنده‌كانە د هەموو واران دا و گۆت ژی ” د گەشبینین هه‌كه‌ کێشە هەبن، دێ هێنه‌ چارەسەر کرن”.