سه‌رۆكێ كۆمپانییا تۆیۆتا ژ ئه‌گه‌رێ سه‌خته‌كارییێ دتاقیكرنێن ترۆمبێلاندا داخوازا لێبوورینێ دكه‌ت

ئاكیۆ تۆیۆتا سه‌رۆكێ كۆمپانییا تۆیۆتا داخوازا لێبوورینى ژ وه‌زاره‌تا ڤه‌گۆهاستنا ژاپۆنێ و وحه‌زژێكه‌رێن تۆیۆتایێ كر، ژبه‌ركو كۆمپانییا وى ل ده‌مێ تاقیكرنا مه‌رجێن سلامه‌تییێ، داتایێن خه‌له‌ت بۆ وه‌رگرتنا مۆله‌تا سلامه‌تییا ترۆمبێلان داینه‌ حكومه‌تا وى وه‌لاتى.
تۆیۆتایێ داتایێن خه‌له‌ت ل دۆر شكاندن، كیسێ هه‌واى ( ئێرباگ )، كورسییێن پشتا ترۆمبێلێ داینه‌ وه‌زاره‌تا ڤه‌گۆهاستنا ژاپۆنێ، هنده‌ك ژێده‌ر دیاردكه‌ن، كۆمپانییا ناڤبرى ده‌ستكارى د تاقیكرنا بزوێنه‌رژیدا كرییه‌.
ژبلى تۆیۆتایێ، هه‌ر ئێك ژ كۆمپانییێن مازدا، هۆندا، سوزوكى و یاماها ژى ل ده‌مێ وه‌رگرتنا مۆله‌تێ بۆ به‌رهه‌مئینانا ترۆمبێلان، سه‌خته‌كارى و ده‌ستكارى د داتایاندا كرینه‌، ژبه‌ر ڤى ئه‌گه‌رى بهایێ ڤان كۆمپانییان د بازارێن بۆرسا ژاپۆنێدا ب ڕێژه‌یا 3%ێ كێمبوویه‌.