ڕێڤەبەرییا كۆنتڕۆلا جۆری یا دەرمانان ڕاگەهاند، ئەو بەرهەمێن ب مەرەما كێمكرنا كێشا لەشی ب ئۆنلاین دهێنە فرۆتن دبنە ئەگەرێ پەنجەشێرێ.
ڕێڤەبەرییا كۆنتڕۆلا جۆری یا دەرمانان د ڕاگەهاندنەكێ دا ئاشكەراكر، تاقیكرنێن سازییێن خۆراك و دەرمانان ل ئەمریكا، دناڤ هندەك وان بەرهەمان دا یێن كو ب مەرەما كێمكرنا كێشا لەشی ب ئۆنلاین دهێنە فرۆتن دەرمانێ ” فینۆڵفسالین ” دیتیە، كو دبیتە ئەگەرێ پەنجەشێرێ.
ڕێڤەبەرییێ گۆت ژی: ” فینۆڵفسالین ماددەكێ کیمیاییە و ل ئەمریکا چ جاران وەکو دەرمان مامەلە ل گەل نەهاتیەكرن و نەهاتییە پەسەندكرن، و ژبەر هەبوونا بەلگەیێن شێرپەنجەییا وی ماددەیی، ل سالا 1997 ژ بازاڕان هاتە ڤەكێشان. ”
ڕێڤەبەرییا كۆنتڕۆلا جۆری یا دەرمانان دیار ژی كر، پێدڤییە وەلاتی د ئاگەهداربن كو ئەو دەرمانێن مەترسیدار دبیت ب ڕێیێن جوداجودا وەكو ئنترنێت، سۆشیال میدیا و سەنتەرێن جوانكارییێ بهێنە فرۆتن و نابیت ب هیچ ڕەنگەكی بهێنە كڕین.
