شێرزاد قادر، ڕێڤەبەرێ گشتییێ ڕێك و پرا ل پارێزگەها دهۆكێ ڕاگەهاند، مەسرور بارزانی، سەرۆکێ حکومەتا هەرێما کوردستانێ ڕازیبوون ل سەر بجهئینانا پڕۆژەیێ تۆنێلا زاویتە ب كۆژمێ نێزیكی 42 ملیار دیناران كر.
ڕێڤەبەرێ گشتییێ ڕێك و پرا ل پارێزگەها دهۆكێ دیاركر، تۆنێلا زاویتە ئێكە ژ پرۆژەیێن گرنگ و ستراتیژی یێن پارێزگەها دهۆكێ و دێ خزمەتەكا گەلەك باش پێشکێشی وەلاتی و گەشتیاران کەت. د هەمان دەمدا کاریگەری ل سەر ڤەژاندنا کەرتێ گەشتیاری دێ هەبیت.
