سەرۆکێ حکومەتا هەرێما کوردستانێ و فەرماندێ گشتییێ هێزێن هه‌ڤپەیمانان ل عێراق و سوورییێ، ته‌كه‌زی ل سه‌ر بەردەوامییا پشته‌ڤانییێ ل چاکسازییێن وەزارەتا پێشمەرگەیی و یەکخستنا هێزێن پێشمەرگەیی کرییە.
ئه‌ڤرۆ چارشەمبی (12 ی خزیرانا 2024) ێ “مەسرور بارزانى، سه‌رۆكێ حکومەتا هه‌رێما كوردستانێ، پێشوازى ل جەنەرال جۆول ڤاول فەرماندێ گشتییێ هێزێن هه‌ڤپەیمانان ل عێراقێ و سوورییێ و شاندێ ل گه‌لدا کر.
د وێ کۆمبوونێ دا داوی گوهۆرین و پێشهاتێن هەرێما کوردستانێ و عێراقێ و سورییێ به‌حسکرن.
هەردو ئالییان ته‌كه‌زی ل سه‌ر بەردەوامییا پشته‌ڤانییێ ل چاکسازییێن وەزارەتا پێشمەرگەیی و یەکخستنا هێزێن پێشمەرگەیی کر.
گرنگییا پاراستنا ئاسایشێ و سەقامگیرییا عێراقێ و هەرێما کوردستانێ و بهێزکرنا هەماهەنگییێ و هاریکارییا دناڤبه‌را هێزێن پێشمەرگەیی و سوپایێ عێراقێ ل گەل هێزێن هه‌ڤپەیمانان بۆ به‌رهنگاربوونا گه‌ف و مەترسییێن تیرۆریستێن دا*عشێ و تیرۆرێ ب گشتی، تەوەره‌كێ دیترێ وێ کۆمبوونێ بوو.
