میلیشیات گه‌فێن دەستپێكرنا شەری ل دژی ئەمریكا دكەن و سوودانی بزاڤان دكه‌ت ره‌وشێ ئارام بكه‌ت

بڕیارا میلیشیاتێن عێراقی، ئەوێن خۆ د كڤانێ (بەرەیێ مقاوما عێراقی) ناساندی، بۆ دەستپێكرنا هێرشان بۆ سەر هێزێن ئەمریكا، محەمەد شیاع سوودانی، سەرۆكوەزیرێن عێراقی نیگەران كرییە و بزاڤان دكه‌ت ڕێكێ ل دەستپێكرنا ئەوان هێرشان بگریت.

لدووڤ زانیارییێن رۆژنامەڤانی، محەمەد شیاع سوودانی، سەرۆکوەزیرێن عێراقێ بزاڤان دكه‌ت بڕیارا میلیشیاتێن عێراقی بۆ ب دووماهی ئینانێ ب ئاگربەستێ ل گەل ئەمریکا و هێرشێن دەستپێکرنا ئۆپەراسیۆنان ل دژی بەرژەوەندییێن ئەمریكا ل عێراقێ و ڤێ ده‌ڤه‌رێ کۆنتڕۆل بکه‌ت.

ل رۆژا چارشەمبییا بوری، هێزێن ب ناڤێ (بەرەیێ مقاوما عێراقی) بۆ جاره‌كا دیتر دۆسییەیا ڤه‌کێشانا هێزێن ئەمریکی ل عێراقێ هەلدایەوە و ڕاگەهاندییه‌، كو هەموو ئامرازه‌كێ بۆ دەركرنا ئەوان هێزان ل عێراقێ دێ گرنە بەر.

وان ژێده‌ران گۆتییه‌، بۆ تێگەهشتن و كارڤه‌دانا وان میلیشیاتان، پەیوەندی و ڕاوێژ دناڤبه‌را سەركردێن چارچۆڤێ هەماهەنگی و ئەوان هێزان دا هەیە.