وەزارەتا ساخلەمییا هەرێما کوردستانێ ڕەتدكر كو حالەتەكێ پشتڕاستكری یێ تایا خوینبەربوونێ ل سنوورێ پارێزگەها هەولێرێ هاتبیتە تۆماركرن.
وەزارەتا ساخلەمییا هەرێما کوردستانێ ڕاگەهاند، كو وەلاتییەكێ عەرەب و ئاكنجییێ باژێرێ بەغدایە، پشتی ب مەرەما چارەسەرییا پزیشكی سەرەدانا نەخۆشخانەیا هەوارهاتنێ ل هەولێرێ كر، پزیشكان پێشبینی كر كو نیشانێن نەخۆشییا تایا خوینبەربوونێ ل دەف هەیە، پشکنینی بۆ هاتنە ئەنجامدان، بەلێ هەتا نوكە ئەنجامێ پشکنینان نەدەركەتینە و نەخۆش ل ژێر چاڤێدرییا پزیشكا دایە و ڕەوشا وی ژی یا جێگیرە.
ل دویڤ ئامارێن وەزارەتا ساخلەمییا هەرێمێ، هەتا نوكە پێنج حالەتێن تایا خوینبەربوونێ د ئەڤسالەدا ل هەرێمێ هاتینە تۆماركرن، دوو ل سنوورێ پارێزگەها دهۆكێ و سێ حالەت ژی ل سنوورێ پارێزگەها سلێمانییێ.
