نێچیرڤان بارزانی ل گەل وەزیرێ دەرڤە یێ نەمسا كۆمبوو

نێچیرڤان بارزانی و شاندێ ل گەل دا گەهشتنە وەزارەتا دەرڤە یا نەمسا و لگەل وەزیرێ دەرڤەیێ وەلاتی كۆمبوون.

سەرۆكێ هەرێما كوردستانێ ژلایێ ئەلێکساندەر شالنبێرگ، وەزیرێ دەرڤەیێ ئەمریكا پێشۆازی لێ هاتە كرن و بڕیارە خوررنەكێ بۆ شاندێ هەرێما كوردستانێ رێكبێخیت.

لدووڤ زانیارییان شاندێ ل گەل سەرۆكێ هەرێما كوردستانێ پێكدهێت ژ: فەوزی هەریری، سەرۆكێ دیوانا سەرۆكاتییا هەرێما كوردستانێ ، فەلاح مستەفا، راوێشكارێ بلندێ یێ سەرۆكاتیا هەرێما كوردستانێ، مستەفا رەمەزان، نونەرێ حكومەتا هەرێما كوردستانێ و بالیۆزێ عیراقێ ل ڤیەننا.

كۆمبوونا دوێ یا سەرۆكێ هەرێما كوردستانێ دێ ل هۆڤبۆرگ بیت كو دبیتە كۆچكا سەرۆكایەتییێ ل نەمسا و ل وێ رێ ژلایێ ئەلێکساندەر ڤاندەربێلن سەرۆكێ وەلاتی دێ پێشۆازی لێ هێتە كرن.