نێچیرڤان بارزانى بۆ سه‌رۆككۆمارێ نوو یێ ئیرانێ: چاڤێ مه‌ ل پێشڤه‌برنا په‌یوه‌ندییایه‌

نێچیرڤان بارزانى سه‌رۆكێ هه‌رێما كوردستانێ په‌یامه‌كا پیرۆزباهییێ ئاراسته‌ى مه‌سعود پزیشكیانى كر، ب هه‌لكه‌ڤتا هه‌لبژارتنا وى وه‌كو سه‌رۆكێ نوو یێ كۆمارا ئیسلامییا ئیرانێ.

نێچیرڤان بارزانى دپه‌یاما خۆدا دیاركر، ئه‌و پیرۆزباهییێ ل مه‌سعود پزیشكیانى دكه‌ت، پشتى بوویه‌ سه‌رۆككۆمارێ ئیرانێ، هیڤییا سه‌ركه‌ڤتنێ بۆ دخوازیت.

هه‌روه‌سا ئاشكراكر، ل هه‌رێما كوردستانێ و عیراقێ چاڤێ وان ل پێشڤه‌برنا په‌یوه‌ندییێن مێژووى و دوستانه‌ و به‌رده‌وامییا هاركارییا هه‌ڤپشك دگه‌ل كۆمارا ئیسلامییا ئیرانێ ل سه‌ر بنه‌مایێ به‌رژه‌وه‌ندییێن هه‌ڤپشك و جیرانییا باشن.