په‌یڤدارێ ئێكه‌تییا زانایێن ئایینێ ئیسلامێ ل کوردستانێ: کڕین و فرۆشتن ب پسوولێن گەنمێ جۆتیاران یا حەرامە

په‌یڤدارێ ئێكه‌تییا زانایێن ئایینێ ئیسلامێ ل کوردستانێ دیار كر: هنده‌ك كه‌س هه‌نه‌، مامەلێ ب پسوولێن جۆتیاران کەن، له‌وما جڤاتا بلندا فەتوایێ ب حەرام دانایە و یا دروست نینە، چونکی بنپێکرنا مافێ جۆتیارایە.

د. عەبدوڵلا شێرکاوەیی، ئەندامێ مەکتەبا تەنفیزی و په‌یڤدارێ ئێكه‌تییا زانایێن ئایینێ ئیسلامێ ل کوردستانێ دیار كر، ل سالا 2019 ێ” کۆمه‌كا وه‌لاتییان پرسیار کر، دەربارەیی ئەوێ پسوولا گەنمی یاكو حکومەت دده‌ته‌ جۆتیاران، ب مه‌ره‌ما دیارکرنا ڕێژا شایستەیێن وان ژ وەرگرتنا گەنمێ وان ل سایلۆیان و کڕینا وی گەنمی ژ لایێ حکومەتێڤە.

ناڤهاتی گۆت ژی، جڤاتا بلندا فەتوایێ بۆ ڕوونکرنا ئه‌ڤی بابەتی ڕاوێژ ل گەڵ بسپۆڕ و شارەزایێن وەزارەتا چاندنێ و ل گەڵ جۆتیاران ژی کرییە، سەبارەت شێوێ وێ پسوولێ و چاوانییا فرۆشتنێ، فەتوایەک ل سالا 2019 ێ دەرکر؛ چونكی ئەم پسوولە تشته‌كێ دیارکری نینە، د هەمان ده‌مدا نه‌ چەکه‌كێ بانکییە، ب تنێ پەڕه‌كێ فەرمییە، ل بەرامبە ئەوی رێژا گەنمێ دهێته‌دان بۆ جۆتیاران بۆ هندێ گەنمێ خۆ ڕادەستی سایلۆیان بکەن”.

ئه‌و ژی گۆت: وی ده‌می جڤاتا بلند ڕوونکر” كو خودانێ وێ پسوولێ دشێت سازشێ ل سه‌ر وێ پسوولێ بکه‌ت، ب چەند مەرجان؛ مه‌رجێ ئێكێ ئه‌وه‌” جوۆتیارێ هەرێما کوردستانێ، پێدڤییە گەنمێ هەرێما کوردستانێ ڕادەستی سایلۆیێ بکه‌ت، نەكو گەنمی ژ دەرڤه‌یی وه‌ڵاتی بینیت و ڕادەستی سایلۆیێ بکه‌ت ب ڕێیا ئه‌وێ پسوولێ.

مه‌رجێ دووێ، خودانێ وێ پسوولێ سازشێ ژ وێ پسوولێ بکه‌ت، نەکو مامەلێ پێ بكه‌ت و بفرۆشیت” بەلکو دڤێت بێژته‌ کەسێ بەرامبەر، ئه‌ز دێ ده‌ستا ژ ڤێ پسوولێ هەلگرم  بەرامبەر رێژه‌كا پارەیی، خالا دی ئه‌وه‌” وەکو مەرج دڤێت حکومەت ڕازیی بیت ب وێ مامەڵەیێ” ڕێگر نەبیت ژ مامەله‌کرنا وەرگرتنا وێ پسوولێ دناڤا جۆتیاران دا” هه‌روه‌سا پێدڤییه‌ خودانێ ئه‌وێ پسوولێ جۆتیارێ کرداری و فەرمییێ هەرێما کوردستانێ بێت، ئەڤه‌ ئەو مەرج بوون یێن كو جڤاتا بلندا فەتوایێ ل سالا 2019 ێ” سەبارەت پسوولا گەنمێ جۆتیاران بۆ وه‌لاتییان روونكرین.