رۆژناما (ئەلعەرەبی ئەلجەدید): ب دەستپێشخەرییا بارزانی، عەرەبێن سوننە ل سەر پۆستێ سەرۆكێ پەرلەمانی دێ رێككەڤن

 لدووڤ هنده‌ك میدیایێن عەرەبی، ل ده‌مێ سەره‌دانا وی بۆ بەغدا و كۆمبوونێن وی ل گەل سەركردە و لایەنێن عەرەبێن سوننی، سەرۆك مه‌سعود بارزانی، ناڤبه‌ینكاری بۆ ئێكلاكرنا پۆستێ سەرۆكێ پەرلەمانێ عێراقی كرییە و ئه‌و لایەنە ل سەر پڕۆژە و دەستپێشخەرییەكا بارزانی رێككەڤتینه‌.

نێزیکی هەشت هه‌یڤانه‌ بابه‌تێ دانانا كەسه‌كی بۆ پۆستێ سەرۆكێ پەرلەمانێ عێراقێ، پشتی دوورخستنا محەمەد حەلبووسی، ب بڕیارا دادگیها فیدڕاڵییا عێراقی، ده‌رز خستینە ناڤبه‌را لایەنێن عەرەبێن سوننی، بەلێ د ڤێ سەره‌دانێ دا، لدووڤ راپۆرته‌كا (ئەلعەرەبی ئەلجەدید)، سەرۆك بارزانی ناڤبه‌نكاری دناڤبه‌را وان دا كرییە.

لدووڤ ئه‌وی عورفێ ل عێراقێ هه‌یی، پشتی ژناڤچوونا رژێما سه‌دامێ دیكتاتۆر ل سالا 2003 ێ” پشتی هەڵبژارتن هاتینه‌ كرن، پۆستێ سەرۆكێ پەرلەمانێ عێراقێ بەر لایەنێن عەرەبێن سوننی كەڤتییە و پۆستێ سەرۆكوەزیران بۆ لایەنێن عەرەبێن شیعی و پۆستێ سەرۆككۆمارێ عێراقێ بەر ب كوردان كەڤتییە.