خالد ئه‌حمه‌د: پارتى بۆ هه‌لبژارتنان یا به‌رهه‌ڤه‌

به‌رپرسێ پشكا هه‌لبژارتنان ل مه‌كته‌با ڕێكخستنا پارتى دیموكراتى كوردستان ل دهۆكێ ڕاگه‌هاند، پارتى بۆ هه‌لبژارتنێن په‌رله‌مانێ كوردستانێ یا به‌رهه‌ڤه‌، دێ ل ده‌مێ پێدڤى لیسته‌یا خۆ پێشكێشكه‌ن.

خالد ئه‌حمه‌د به‌رپرسێ پشكا هه‌لبژارتنان ل مه‌كته‌با ڕێكخستنا پارتى دیموكراتى كوردستان ل دهۆكێ بۆ ئاژانسا خانى دیاركر، ئه‌وان ل سنوورێ پارێزگه‌ها دهۆكێ به‌رهه‌ڤییه‌كا باش بۆ هه‌لبژارتنێن په‌رله‌مانێ كوردستانێ كرینه‌، ل دووڤ قانوونا كۆمسیۆنێ دێ وان 48 به‌ربژار ل بازنه‌یێ دهۆكێ ب ئیداره‌یا سه‌ربه‌خۆ یا زاخۆڤه‌ هه‌بن.

گوت ژى: ئه‌وان خواندنه‌كا باش بۆ هه‌لبژارتنان كرییه‌، هه‌موو لایه‌نێن زانستى، جڤاكى و جۆگرافى به‌رچاڤ وه‌رگرتینه‌، ئه‌و كه‌سێن هاتینه‌ ده‌ستنیشانكر، هه‌موو كه‌سێن پێگه‌هشتى و خۆدان بسپۆرییێن جۆدانه‌، ژڤانێ پێشكێشكرنا لیسته‌یا به‌ربژاران هه‌تا 15/7ێ یه‌، هه‌ر ده‌مێ پێدڤى بوو ئه‌و دێ لیسته‌یا خۆ پێشكێشكى كۆمیسیۆنێ كه‌ن.