مەکتەبا سیاسییا پارتی د ڕاگەهاندنەكێدا “بزاڤێن تیرۆرکرنا” ئەکرەم سالح، بەرپرسێ لقێ 22ـێ پارتی ل گەرمیان شەرمزاركر و داخواز ژ دامودەزگەهێن سنووری كر “ڤەكۆلینەكا جددى ل كریارا نە مرۆڤانە و تیرۆرستانە بکەن و ئەوێن ئەڤ كارە ئەنجامدای بۆ پارتی و ڕایا گشتى و خەلكێ کوردستانێ ئاشکەرا بکەن”.
مەکتەبا سیاسییا پارتی دیاركر، ئەڤ جۆرە كارێن تێكدەر دێ کاریگەرى هەبیت بۆ سەر سەقامگیرى و ئاسایشا هەرێما کوردستانێ و ب ئارمانجكرنا هەڤال و کادرێن پارت ژ لایێ هەر لایەن و گرۆپەكی ڤە ناهێتە قەبوولكرن و ڕێكێ نادەین تێکدەر بگەهنە مەرەمێن خۆ یێن تایبەت.
هەروەسا دیاركر ژی، ژ پێخەمەت سەقامگیرى و ئاسایشا کۆمەلایەتییا هەرێما کوردستانێ پێدڤییە لایەنێن پەیوەندیدار ب كارێ خۆ بزانن و ئەوێن ئەڤ كارە ئەنجامدای بهێنە دیتن و بەرهەنگاری یاسایێ بهێنە كرن.
