دەقێ پەیاما سەرۆکێ حکومەتا هەرێمێ: د سالڤەگەرا جینۆسایدكرنا بارزانییان دا، ب رێزڤە یادا هەمی قۆربانییێن وێ هەوا رەگەزپەرست دكەین، كو ژلایێ رژێما بەعس ڤە ڕویبڕوی دراندانەترین تاوانا پاكتاوكرنێ بوون، كو دەستپێكەك بوو بۆ هەوێن دی یێن ئەنفالێ ل دەڤەرێن گەرمیان و بادینان و كیمیابارانكرنا هەلەبجە و كۆمكوژییێن دەڤەرێن دی یێن كوردستانێ.
دەڤەرا بارزان هەردەم مالبەندێ شۆڕەش و ڕاپەڕین و تێکۆشانێ بوویە ل پێناڤی بەرگریكرنێ ژ مافێن گەلێ كوردستانێ، بوویە ڕویبڕوی چەندین هەوێن وێرانكرن و سۆتن و كۆمكوژییێ بوویە، لێ دوژمن چ جاران نەشیاینە گیانێ خۆڕاگری و حەزا ئازادیخواز یا خەلكێ وێ ژناڤ ببەن. هەتا ئەڤرۆ ژی دەڤەرا بارزان، ناڤەند و مەكویێ داكوكیكرنێ یە ژ ماف و داخوازییێن نەتەوەی و نشتیمانی یێن گەلێ كورد. حکومەتا هەرێما کوردستانێ د گوتوبێژ و دانوستاندنێن خۆ دا ل گەل حكومەتا فیدرال، هەردەم پێداگرە ل سەر هندێ كو پێدڤییە کەسوکارێن قۆربانییێن دەستێ ڕژێما پێشتر یا عیراقێ، ب شێوەیەكێ شایستە قەرەبوویا وان یا ماددی و مەعنەوی بهێتەكرن. دڤێ بیرەوەرییا خەمگین دا، ڕێز و پێزانینێن خۆ بۆ خەلكێ كوردستانێ ب گشتی و خەلکێ هەولێرێ و دەوروبەران ب تایبەتی دهنێرین، کو جوامێرانە د هانا کەسوکارێن لێقەوماو یێن بارزانییان چوون و هاریكارییا وان كر.
سەرێ ڕێز و نەوازەشێ ژی بۆ شەهیدێن ئەنفالکری یێن بارزانییان و هەمی شەهیدێن كوردستانێ د چەمینین و هەردەم ل بیرا مە نە.
