ئه‌ڤڕۆ شه‌مبییێ، 3 ی ته‌باخا 2024 ێ، نێچيرڤان بارزانى، سه‌رۆكێ هه‌رێما كوردستانێ، ب هه‌لكه‌فتا ب دووماهی هاتنا ئه‌ركێ وی، پێشوازی ل جه‌نه‌رال جۆول ڤاول، فه‌رماندێ گشتيىێ هێزێن هه‌ڤپه‌يمانان ل عێراقێ و سووريیێ كر.
نێچيرڤان بارزانى، د وێ دیدارێ دا سوپاس و پێزانينێن خۆ بۆ خزمه‌تا جه‌نه‌رال ڤاولی، ل ده‌مێ ئه‌ركێ وی دا ده‌ربڕى و هيڤییا سه‌ركه‌فتنێ د ئه‌ركێ نوو دا بۆ خواست، هه‌روه‌سا ستايشا هه‌رێما كوردستانێ بۆ هاریكارى و پشته‌ڤانییا هه‌ڤپه‌يمانيیا نێڤده‌وڵه‌تى ل عێراقێ و هه‌رێما كوردستانێ بۆ تێكشكاندنا داعشێ دوپاتكر.
ژلایێ خۆڤه جه‌نه‌رال ڤاولی، زێده‌باری نيشاندانا خۆشحالییێ ب كاركرنێ ل عێراقێ و سووريیێ، سوپاس و پێزانين بۆ هاریكارى و پشته‌ڤانییا هه‌رێما كوردستانێ د ماوێ ئه‌ركيدا ده‌ربڕى، هه‌روه‌سا ته‌كه‌زی ل سه‌ر گرنگيىا به‌رده‌واميىا پشته‌ڤانییا هه‌ڤپه‌يمانيىا نێڤده‌وڵه‌تى بۆ عێراقێ و هه‌رێما كوردستانێ كر.
