پڕۆفیسۆر جۆناسان بێنگەر، سەرۆکێ دەستەیا نۆشدارییا پەیمانگەها نیشتمانییا ساخله‌مییا UK کو هه‌ڤپشكه‌كا وێ تاقیکرنێیه دبێژت، ”ئەڤێ مفایه‌كێ درێژخایه‌ن هەیە بۆ هەر تاکه‌كێ، کوالێتییا ژیانێ باش دكه‌ت و ڤه‌گوهاستنا خوینێ ل داهاتی دا دێ كێمكه‌ت.
پار ئه‌و چارەسەرییه ب ناڤێ ”کاسگێڤی” هاته پەسه‌ندکرن و بۆ ئێک کەس 1.6 ملیۆن پاوەند پێ دڤێن، ئەڤه ب ره‌نگه‌كییه كو خانەیێن بنەڕەتی یێن تووشبوویێن تالاسیمیایێ ل تاقیگەهێ گۆهۆرینێن جینی دێ ب سەردا هێن و دێ ئێخنا ناڤا له‌شێ تووشبوویان بۆ هندێ شیانێن دروستبوونا هیمۆگلۆبینان بۆ ڤه‌گەڕیت کو ژ وان نەخۆشان رێژەكا زۆر کێمە و ئەو چارەسەرییە تووشبوویان ژ نیشانێن تالاسیمیایێ رزگار دكه‌ت و شێوازێ ژیانا وان باشتر لێ دكه‌ت.
پڕۆفیسۆر جۆن پۆرتەر، بسپۆڕ ل نەخۆشخانا زانکۆیا کۆلێژا لەندەن دبێژیت: ”تووشبوویێن نەخۆشییەکا زۆرا خرابا هه‌ستیكان، نەخۆشییا مێلاكێ، پەنجەشێرێ كو تشته‌ك ژ وان بابەتان هەیە، نوكه گه‌له‌ك ژ ئاریشێن وان دهێنه پاشخستن، بەلێ ژێ رزگار نابن، هیڤیدارم ب چارەسەرییا جینی ژ لێکەفتێن وێ نەخۆشییێ رزگار ببن”.
لدووڤ ناڤەندا NHS ل بریتانیا دو هزار و 300 تووشبوویێن تالاسیمیایێ هەنه کو ب تنێ ل ئینگلاند 460 تووشبوویی تێدا هه‌نە کو هەموو چاڤەڕێی چارەسەرییێ دکەن، بۆ هندێ هیڤییا بەردەوامییا ژیانێ بۆ ڤه‌گەڕیته‌ڤه.
