<h3></h3> <h3>ئاژانسا خانی:</h3> <h3></h3> <h3>بهرپرسێ کومسیۆنا بلندا سەربەخۆیا هەلبژارتنێن عیراقێ ل پارێزگهها دهوکێ دیار كر: ئەو د بەردەوامن ل سهر بهرههڤیێن خۆ بۆ هەڵبژارتنێن پەرلەمانێ کوردستانێ" کو بڕیارە ل 20 چریا ئێكێ یا 2024 ێ دا بهێنە ئەنجامدان و ل پارێزگهها دهۆكێ 24 كورسی ل گهل كورسییێ كوتایهكێ" كو سهرجهم دبنه 25 كورسی بۆ پهرلهمانێ كوردستانێ هاتینه دیاركرن.</h3> <h3>خالد عەباس، زێدهتر بۆ ئاژانسا خانی دبێژیت: هژمارا دەنگدەرێن تۆمارکری ل دهۆکێ دگەهیتە 738 هزار کەسان، ههروهسا حەفت بەربژێران ژ خۆ ههڤركییا هەڵبژارتنان ڤهكێشایه" د ههمان دهمدا 94% ێ" ژ خهلكێ پارێزگەها دهۆكێ کارتێن خۆ یێن دەنگدانێ وەرگرتینە و دابەشکرنا کارتان دێ هەتا 17 ی چریا ئێكێ یا 2024 ێ بەردەوام بیت.</h3> <h3>ناڤهاتی گۆت ژی: هژمارا گشتییا بەربژێرێن کو ناڤێن خۆ بۆ پشكداریكرنێ د هەڵبژارتنێن پەرلەمانێ کوردستانێ دا تۆمار کرین گەهشتینە 226 بەربژێران، کو دناڤبەرا 10 پارتێن سیاسی و دو هەڤپەیمانییان دا دابەش دبن، زێدهباری 7 بەربژێرێن دناڤ سیستەمێ کوتایێ دا" دەربارەیی دەمێ پروپاگەندا هەڵبژارتنان دیار كر: دێ ناڤێن بەربژێران بو دەستەیا دهستپاکییێ ل حکومەتا هەرێما کوردستانێ و وەزارەتا ناڤخۆ هێنە هنارتن بو پەسەندکرنێ، و پاشی بەربژێر دێ شێن دەست ب هەوا خۆ یا هەڵبژارتنان کەن.</h3>
