ئاژانسا خانی:
كاروان ستوونی” په‌یڤدارێ فه‌رمییێ رێڤهبهرییا گشتییا حه‌ج و عومڕێ ل هه‌رێما كوردستانێ ئاشكرا كر، ئه‌ڤ ساله ژ ئه‌گه‌رێ سه‌رپێچییا رێنماییان، هه‌تا نوكه پتر ژ 90 كۆمپانیێن حه‌ج و عومڕێ ل هه‌رێمێ هاتینه ڕاگرتن و مۆله‌ت پێ نه‌هاتییه‌دان گه‌شتێن عومڕێ بكه‌ن” هه‌روه‌سا ئه‌م هه‌موو وه‌لاتییان ئاگه‌هدار دكه‌ین” ژ پێخه‌مه‌ت به‌رژه‌وه‌ندییا گشتی و سلامه‌تییا خه‌لكێ، ب چ شێوان گه‌شتێن عومڕێ ل گه‌ل ئه‌وان كه‌س و كۆمپانیان ئه‌نجام نه‌ده‌ن” یێن كو گرێبه‌ست ل گه‌ل مه نه‌كرین بۆ ڤه‌گوهاستنا عومڕه‌كاران ژ هه‌رێما كوردستانێ بۆ وه‌لاتێ سعوودی.
ناڤهاتی ئه‌و ژی گۆت: ده‌مێ عومڕەكار دچنه عومڕێ، بلا ب مافێ خۆ بزانن و داخوازا دیتنا گرێبه‌ستا كاركرنێ ژ وێ كۆمپانییێ بكه‌ن” یاكو ل گه‌ل رێڤهبهرییا گشتییا حه‌ج و عومڕێ ئیمزا كری ب مه‌ره‌ما دل ئارامبوونێ ژ وێ كۆمپانییێ.
هەروەسا دیار كرییه: ئه‌ڤ ساله ژ ئه‌گه‌رێ سه‌رپێچییا رێنماییان، هه‌تا نوكه پتر ژ 90 كۆمپانیان هاتینه ڕاگرتن و مۆڵه‌ت پێ نه‌هاتییه دان گه‌شتێن عومڕێ بكه‌ن و هه‌تا نوكه كه‌یسێن وان ئێكلایی نه‌بووینه” هه‌روه‌سا ل ده‌مه‌كێ نێزیكدا دێ ناڤێن هه‌موو ئه‌وان كۆمپانیان به‌لاڤ كه‌ین ییێن كو گرێبه‌ست ل گەل مه دا ئیمزا كرین و خه‌لك دشێن بێی كێشه ل گه‌ڵ ئه‌وان كۆمپانیان گه‌شتێ بۆ حه‌ج و عومرێ بكه‌ن.
