فەرهاد محەمەد تاهیر، ڕێڤەبەرێ بەنداڤا دهۆكێ بۆ ئاژانسا خانی ڕاگەهاند، ل حەفتییا بووری مە كۆمبوونەك ل گەل وەزیرێ چاندن و ژێدەرێن ئاڤێ ئەنجامدا بۆ هندێ هەمی ئەو پڕۆژەیێن بەنداڤا یێن كابینەیێن پێشتر تەمام نەبووین، بهێنە تەمامكرن.
ڕێڤەبەرێ بەنداڤا دهۆكێ دیاركر، ل سنوورێ پارێزگەها دهۆكێ سێ پڕۆژە هەبوون، ئێك ژ وان پڕۆژەیان بەنداڤا خەنس بوو كو ب كۆژمێ نەهـ ملیار و 200 ملیۆن دیناران هاتە تەمامكرن و كەتیە د كاریدا، ئەم بەردەوام بزاڤان دكەین كو بەنداڤا سپنادوو ل سنوورێ قەزا ئامێدییێ و بەنداڤا گەلیە بەنداڤ ل قەزا سێمێلێ د دەمەكێ گونجایی دا بهێنە تەمامكرن.
هەروەسا ڕاگەهاند ژی، ل سنوورێ هەرێما کوردستانێ کار ل سەر چار بەنداڤان دهێتە كرن، ئێك ژوان ژی بەنداڤا باکرمانە ل سنوورێ دهۆکێ، کو ب كۆژمێ 400 ملیار دینار دهێتە بجهئینان.
