دهێته چاڤهرێكرن سوبههی ل جڤاتا وهزیرێن حوكمهتا عیراقێ كومبوونهكا گرنگ دناڤبهرا لژنا داراییا پهرلهمانى و جڤاتا وهزیرێن عیراقا فیدرال بهێته ئهنجامدان، گهنگهشه ل سهر چهندین تهوهرێن گرێدایى كێشه و گرفتێن دارایى و ئابوورى و رهوشا ژین و ژیارا خهلكى بهێنه بهحسكرن.
د. خهلیل غازى دۆسكى، ئهندامێ لژنا دارایى ل جڤاتا نوونهرێن عیراقێ، نووچێ ئهنجامدانا كومبوونێ پشت راستكر و گۆت: سوبههى سێشهمبی 13/8/2024 ێ” ل ئاڤاهییێ جڤاتا وهزیران، لژنا دارایى ل پهرلهمانێ عیراقێ دێ ل گهل جڤاتا وهزیران كومبیت و ب بهرههڤبوونا ههر ئێك ژ جێگرێ سهرۆكوهزیران و وهزیرێن دارایى،
پلاندانانێ، پهترۆلێ، پارێزگارێ بانكا ناڤهندى و زێدهبارى چهندین وهزیرێن پهیوهندار ل حوكمهتا فیدرالی.
ناڤهاتی گۆت ژی: مهرهم ژ ئهنجامدانا كومبوونا سوبههی گهنگهشهكرنه ل سهر چهندین تهوهرێن گرێدایى رهوشا دارایى و ئابوورى و ژین و ژیارا خهلكێ عیراقێ ب گشتى و ژ بابهتێن سهرهكییێن سوبههی بهێنه گهنگشهكرن، پارهدانا پارێزگهها، پارهدانا بۆدجێ، پارهدانا پرۆژان و پارهدانا مووچان، و ههبوون و ئاریشێن گرێدایى سیولێ و نزمبوونا بهایێ دینارى بهرامبهر دولارى و جێبهجێكرنا بۆدجێ ب شێوهكێ گشتى ل سهرانسهرى عیراقێ.
