<h2 style="text-align: justify;"><span style="font-size: 18pt;">وهزیرێ پێشمهرگهى ڕاگههاند، ئهو كار ل سهر ڕێكخستنا هێزێن پێشمهرگهى دكهن داكو هێزهكا نیشتیمانى پێكبینن، كۆلۆنێل گیڤن ڕایس بهرپرسێ نڤیسینگهها هاریكارییا ئاسایشێ ل كونسۆلخانهیا ئهمریكا پشتهڤانییا وهلاتێ خۆ بۆ دروستكرنا وێ هێزێ دووپاتكر.</span></h2> <h2 style="text-align: justify;"> <span style="font-size: 18pt;">شۆرهش ئیسماعیل وهزیرێ كاروبارێن پێشمهرگهى دگهل كۆلۆنێل گیڤن ڕایس بهرپرسێ نڤیسینگهها هاریكارییا ئاسایشێ ل كونسۆلخانهیا گشتییا ئهمریكا ل ههرێما كوردستانێ و مێجهر تۆم ستاوفهر هاریكارێ سهربازییێ ئهمریكا ل عیراقێ كۆمبوو.</span></h2> <h2 style="text-align: justify;"> <span style="font-size: 18pt;">ل دووڤ ڕاگههاندنا وهزارهتا پێشمهرگهى، دكۆومبوونێدا وهزیرێ پێشمهرگهى ئاماژه ب ڕهوشا ئهمنییا كوردستانێ و عیراقێ و دهڤهرێ كر، سهبارهت پرۆسهیا چاكسازییێ ژى ڕاگههاند، چاكسازییا بهردهوامه و ئهو د ڕژدن ڤێ پرۆسهیێ بگههیننه دووماهییێ.</span></h2> <h2 style="text-align: justify;"> <span style="font-size: 18pt;">لدۆر دروستكرنا فرقهیان ژى، وهزیرێ پێشمهرگهى گوت: ئهو ل سهر بزاڤێن خۆ بۆ دروستكرنا فرقهیێن زێدهتر ژ پێخهمهت ڕێكخستن و ئێكخستنا هێزێن پێشمهرگهیێ كوردستانێ و دروستكرنا هێزهكا نیشتیمانییا بێ لایهن د بهردهوامن.</span></h2> <h2 style="text-align: justify;"> <span style="font-size: 18pt;">دبهرامبهردا كۆلۆنێل گیڤن ڕایس كهیفخۆشییا خۆ ل دۆر پێشڤهچوونا پرۆسهیا چاكسازییێ دهربرى، هاریكارى و پشتهڤانى و ههماههنگییا زێدهتر یا وهلاتێ خۆ بۆ وهزارهتا پێشمهرگهى دووپاتكر.</span></h2>
