ئەگەر و مەترسییێن قەلەوییێ ل دەڤ زارۆكان

دبیت د كۆمەلگەها مە دا گەلەك جاران دەیك و باب گازندان ژ لاوازییا زارۆكێن خۆ بكەن، بگرە بزاڤێن قەلەوكرنا وان ژی دكەن. لێ د ڕاستی دا قەلەوی ل دەڤ زارۆكان ژی هەڤشێوەی كەسێن پێگەهشتی جهێ مەترسییێ یە و پێدڤی ب چارەسەركرنێ یە.

ئەگەرێن قەلەوییێ ل دەڤ زارۆكان:

1- بۆماوەیی: مێژوویا خێزانێ ڕۆلەكێ سەرەكی هەیە د پەیدابوونا قەلەوییێ دا ل دەڤ زارۆكان. ئەو زارۆكێن كو دەیك و باب یان ئەندامێن دی یێن خێزانا وان خێزانێ كێشا لەشێ وان یا زێدە بیت، ئەگەرێ قەلەوبوونا وان زێدەترە.
2- ئەگەرێن دەروونی: ئەو زارۆك و سنێلەیێن كو بۆشاییا سۆزداری، فشارێن دەروونی یان خەموكی ل دەڤ هەیی، دبیت زێدەتر خارنێ بخۆن داكو ڕویبڕوی هەست و سۆزێن نەرێنی ببن، ئەڤە ژی كێشا لەشێ وان زێدە دكەت.
3- خارنا زۆر و نە ساخلەم: وەكو خارنێن بلەز، جبس، شرینی و ڤەخوارنێن غازی.
4- لڤینا كێم و نەكرنا وەرزشێ.

مەترسییێن قەلەوییێ ل دەڤ زارۆكان:
1- زێدەبوونا مەترسییا تووشبوونێ ب جۆرێ دووێ یێ شەكرێ.
2- مەترسییا تووشبوونێ ب نەخۆشییێن دلی و بلندبوونا كۆلستڕۆلێ زێدە دكەت.
3- تووشبوون ب تەنگە نەفەسییێ.
4- تێكچوونا سیستەمێ نڤستنێ و دروستبوونا كێم خەوییێ.
5- ئازارا زەڤلەكان.