رێڤه‌به‌رێ گەشتوگوزارا ئیدارا سەربەخۆیا زاخۆ گۆت: قووناغا دووێ یا کۆڕنیشێ زاخۆ دەستپێکرییە ب درێژاهییا پتر ژ (٣) کم و ب بریارا سەرۆکی حکوومەتێ ” مه پلان هه‌یە زاخۆ ببیتە ب ھێزترین مەڵبەندێ گەشتیاری ل سەر ئاستێ عێراقێ.
چیا ئەمین، زێده‌تر دبێژیت: پشتی كو زاخۆ بوویە ئیدارەكا سەربەخۆ” د چارچوڤێ سێکتەرێ گەشتوگوزاری دا زاخۆ پێشکەڤتنه‌كا مه‌زن بخۆڤه دیتییه و لدووڤ وێ پلانا گەشتیاری یا هاتییه دانان، کو گرنگییێ ب کۆڕنیشێ زاخۆ بدەین و پێشبێخین، ھەروەسا ب سەرپەرشتییا ئیدارا سەربەخۆیا زاخۆ و لایەنێن شوله‌ژێ شییاینه د ده‌مه‌كێ كورت دا ل کۆڕنێشێ زاخۆ قووناغا ئێكێ ئه‌نجام بده‌ن و ئه‌و كورنیشه بوویە سمبولا کەرتێ گشتوگوزاری ب درێژاهییا كیلۆمه‌تره‌كێ و پاشی ب بریارا سەرۆکێ حکومەتێ قۆناغی دووێ یا کۆڕنێشێ زاخۆ دەستپێکر، ب درێژاهییا پتر ژ (٣) کم ب تەمامبوونا قووناغا دووێ ژی دێ نێزیكی (4) کم ژ کۆڕنێشێ زاخۆ کەڤیتە د خزمەتا وه‌لاتییان و گه‌شتییاران دا.
ناڤهاتی گۆت ژی: ئەو کۆڕنیشە شییا ئاستێ گەشتوگوزاری ل زاخۆ ببه‌تە قووناغه‌كا گه‌له‌ك باش و ئەنجامێ وێ ژی ئەو بوو ڕێژا گەشتیارییێ ل زاخۆ ب ڕێژەكا باش زێده بكه‌ت و د هه‌مان ده‌مدا جهێن گەشتیاری ژی کەفتینە کار و داھات ژی زێده‌بوویه.
