ئەڤرۆ ڕۆژا پێنجشەمبی ل سەلاحەددین سەرۆك مەسعود بارزانی پێشوازی ل غیبتەی پاتریارك كاردینال مار لویس ڕۆفائێل ساكۆ، سەرۆكێ كەنیسەیا كلدانی ل عیراق و جیهانێ و شاندێ ل گەلدا كر و د كۆمبوونێ دا ڕەوشا سیاسییا عیراقێ و ڕەوشا كەركووكێ و چەند بابەتێن دی گوتۆبێژكرن.
د دیدارێدا سەرۆكێ كەنیسەیا كلدانی ل عیراق و جیهانێ ستایشا ڕۆلێ سەرۆك بارزانی كر د بزاڤان بۆ پاراستنا پێكهاتەیێن كریستیان و پشتەڤانیكرنا داخوازییان و پێدانا پشتڕاستییێ بۆ گەرەنتیبوونا داهاتی ل هەرێما كوردستان و عیراقێ و ڕاگەهاند، كو كریستییانێن دەرڤەیی عیراقێ و هەرێما كوردستانێ سوپاسگوزارییا هەلویستێ سەرۆك بارزانی كر.
سەرۆك بارزانی دیاركر، كو كریستیانان و هەمی پێكهاتەیێن ئاینی و نەتەوەییێن كوردستانێ وەك پشكەك ژ گەلێ خۆ دزانین و ب هەمی شێوەیەكی بەرەڤانییێ ژ مافێن خۆ دكەین و ژ لایێ مە ڤە وەك پڕەنسیپەكا نەگۆڕە.
