ژ ئه‌نجامێ شه‌رێ توركیا و په‌كه‌كێ ل ده‌ڤه‌را به‌رواری بالا هه‌تا نوكه پتری دو هزار دۆنه‌مێن دارستانێ و پتری 320 دۆنه‌مێن ئه‌ردێ ئاڤی و زه‌ڤییان ل وێ ده‌ڤه‌رێ هاتینه سوتن.
سالح حه‌مدی” رێڤه‌به‌رێ ناحییا كانی ماسێ یا سه رب قه‌زا ئامێدییێ ڤه دیار كر: ژ ئه‌گه‌رێ شه‌رێ توركیا و په‌كه‌كێ زیانێن مه‌زن گه‌هشتینه خه‌لكێ ناحیا كانی ماسێ ل ده‌ڤه‌را به‌رواری بالا” هه‌روه‌سا زیانێن مادی یێن مه‌زن گه‌هشتینه خه‌لكێ 17 گوندێن ڤێ ده‌ڤه‌رێ” دیسان ژ ئه‌گه‌رێ وی شه‌ری 500 دۆنه‌مێن ره‌ز و باهیڤان یێن خه‌لكێ ده‌ڤه‌را به‌روارییا هاتینه سوتن” هه‌روه‌سا 320 دۆنه‌مێن زه‌ڤی و ئه‌ردێ ئاڤی ژی هاتینه سوتن.
حه‌جی ئه‌لكیشكی” ئێكه ژ خۆجهێن گوندێ ئه‌لكیشكێ ل ده‌ڤه‌را به‌رواری بالا دبێژیت: ژ ئه‌نجامێ شه‌رێ توركیا و په‌كه‌كێ ئاگره‌كێ ب هێز به‌ربوویه گوندێ مه و زیانێن مه‌زن ییێن مادی گه‌هاندینه خه‌لكێ گوندی و ئاقارێ گوندێ مه ژی هه‌موو هاتییه سوتن” ل ده‌ستپێكێ ئه‌و ئاگره ژ ده‌شتا گرێ سۆڤه ژێهه‌ل هات و پاشی ئاگر ل جادا سه‌ره‌كی یاكو دچیته ناحییا كانی ماسێ ده‌ربازبوو” هاتبوو بۆ ئه‌لكیشكێ” ئه‌ردێ مه یێ دێمی و ئاڤی هه‌موو سوت” دیسان ئه‌و ئاگره گه‌هشته گوندێ بێقۆلكێ و باتیفا سه‌یدا و تیله‌رێ و كانی ساركێ و پتری هزار دۆنه‌مێن ئه‌ردی هاتینه سوتن.
