بالیۆزێ ئێرانێ ل عیراقێ ژبه‌ر مێڤانكرنا زیاره‌تكارێن چله‌یا ئیمام حسێنى، سوپاسییا سه‌رۆكوه‌زیران مه‌سرور بارزانى كر.
نڤیسینگه‌ها ڕاگه‌هاندنا بالیۆزێ ئیرانێ ل عیراقێ د ڕاگه‌هاندنه‌كێدا ئاماژه ب هندێ كر، محه‌مه‌د كازم سادق بالیۆزێ ئیرانێ ل عیراقێ، ب تله‌فۆنێ په‌یوه‌ندى ب مه‌سرور بارزانى سه‌رۆكوه‌زیرێن هه‌رێما كوردستانێ كر، سوپاسییا حكومه‌ت و خه‌لكێ هه‌رێما كوردستانێ كر، بۆ مێڤانكرنا زیاره‌تكارێن چله‌یا ئیمام حسێنى.
هه‌روه‌سا به‌حس ل هندێ كر، بالیۆزێ ئیرانێ گوتییه سه‌رۆكێ حكومه‌تا هه‌رێمێ، دوى ده‌میدا زیاره‌تكارێن ئیرانێ به‌رامبه‌ر هاریكارى و خزمه‌تگوزارییێن هه‌رێما كوردستانێ دكه‌یفخۆشبوون.
دبه‌رامبه‌ردا مه‌سرور بارزانى دیاركرییه، ئه‌و خزمه‌تكرنا زیاره‌تكارێن ئیمام حسێنى ب ئه‌ركه‌كێ پیرۆز دزانن، هیڤیدارن بشێن ل سالێن بهێن خزمه‌تگوزارییێن زێده‌تر پێشكێشبكه‌ن.
