ئاژانسا خانی:
ئه‌ڤرۆ” بەرپرسێن بلندێن کورد ل بەغدا دێ ل مالا شاخەوان عەبدوللایی” جێگرێ سه‌رۆكێ په‌رله‌مانێ عیراقێ ده‌ربارەیی بابه‌تێ مووچەیی کۆمبن.
چیایی ته‌یمور عه‌بدال” ئه‌ندامێ په‌رله‌مانێ عیراقێ ژ فراكسیۆنا پارتی دیموكراتی كوردستان” بۆ ئاژانسا خانی دیار كر: ئه‌ڤرۆ ئێكشه‌مبی” 1 ی ئیلۆنا 2024 ێ” سه‌رۆككۆمارێ عێراقێ و سه‌رۆكێن فراكسیۆنێن كوردستانی و سه‌رۆكێن لژنان ل په‌رله‌مانێ عیراقێ و وه‌زیرێن كورد یێن دناڤا حوكمه‌تا عیراقێ دا دێ ل مالا شاخه‌وان عه‌بدوللایی” جێگرێ سه‌رۆكێ په‌ره‌لمانێ عێراقێ كۆمبن.
ناڤهاتی گۆت ژی: ئه‌ڤ كۆمبوونه بۆ هندێ یه” كو كورد فشاران بیێخنه سه‌ر سه‌رۆكێ حكومه‌تا عێراقێ و وه‌زیرا دارایی” داكو شایسته‌یێن دارایی و مووچه‌یێ فه‌رمانبه‌رێن هه‌رێمێ ره‌وانه بكه‌ت” چونكی ئه‌و ژ ده‌رڤه‌یی یاسایێ و ده‌ستوورێ عێراقێ و ژ ده‌رڤه‌یی پرۆژه یاسایێ بودجه‌یێ عیراقێ و و بریارا دادگه‌ها بلندا فیدرالی سه‌ره‌ده‌رییێ ل گه‌ل هه‌رێمێ دكه‌ن.
چیایی ئه‌و ژی دیاركر: هه‌موو فراكسیۆنێن كوردستانی ل په‌رله‌مانێ عیراقێ به‌رهه‌ڤییا خۆ دیار كرینه” كو پشكدارییێ د ڤێ كۆمبوونێ دا بكه‌ن” ئه‌ڤه وێ چه‌ندێ دگه‌هینیت” كو دڤی بابه‌تی دا كۆده‌نگییه‌ك هه‌یه” ئه‌ڤه خاله‌كا ئه‌رێنی و دلخۆشكه‌ره.
