ئاگری پتری 250 دۆنه‌مێن دارستانێ ل گوندێ گركا سۆتن

ئاژانسا خانی:

ژ ئه‌نجامێ هاڤێتنا تۆپێن هه‌ره‌مه‌كی یێن سۆپایێ توركی ئاگر به‌ربوو دارستانا گوندێ گركا ل ده‌ڤه‌را به‌رواری بالا و ئاگری زیانێن مه‌زن گه‌هاندینه‌ دارستانا گوندی.

تۆپخانێن سۆپایێ توركی چه‌ندین گوله‌تۆپه‌ك ل نێزیكی ئاقارێ گوندێ گركا دایه‌ و د ئه‌نجامدا ئاگره‌كێ مه‌زن به‌ربوویه‌ دارستانا گوندی و نێزیكی 250 دۆنه‌مێن دارستانێ و پیش و په‌له‌خی و دارێن به‌ری و مازی و كه‌زان گوهیشكان سۆتینه‌.

ئانار سالح وه‌لاتییه‌كێ گوندێ گركایه”‌ بۆ ئاژانسا خانی دیار كر: وی ئاگری زیانێن مه‌زن گه‌هاندینه‌ دارستانا گوندی” خه‌لكێ گوندێ گركا و بریفكا و پێشمه‌رگه‌یێن لیوا چار و پۆلیسێن كۆمه‌لگه‌ها بریفكا و به‌رگرییا شارستانی ل كانی ماسێ پشكداری د ڤه‌مراندنا ئاگری دا كرییه‌ و ئاگر هاتییه‌ كونترۆل كرن.