جڤاتا وەزیرێن عیراقێ دوهی ڕۆژا سێشەمبی ب سەرۆكاتییا محەمەد شیاع سوودانی، سەرۆكوەزیرێن عیراقێ كۆمبوونا خۆ یا ئاسایی ئەنجامدا و ڕەوشا گشتی و دوماهیك پێشهاتێن ناڤخۆیا وەلاتی گوتوبێژكرن.
د چارچووڤێ دۆسەیا تایبەت ب بابەتێ فەرمانبەرێن سازییێن هەرێما كوردستانێ ڤە، جڤاتا وەزیران بڕیاردا وەزارەتا دارایی یا عیراقێ بەردەوام بیت ل سەر خەرجكرنا مووچێن فەرمانبەرێن هەرێمێ یێن ڕاگرتی و حكومەتا هەرێمێ ژی پێدڤییە پێگرییێ ب تەمامكرنا ڕێككارێن دیجیتالكرنا ناڤێن فەرمانبەران ل وەزارەتا پلاندانا فیدرالی بكەت.
