نێچيرڤان بارزانى، سهرۆكێ ههرێمى كوردستانێ ئەڤرۆ ڕۆژا چارشەمبی پێشوازى ل ستيڤن هيچن، باليۆزێ بریتانیا ل عیراقێ كر.
د كۆمبوونێدا، پێشڤهبرنا پهيوهندييان و بیاڤێن هاريكاريیا ههڤپشكا بریتانیا ل گهل عیراق و ههرێما كوردستانێ، ڕەوشا گشتيیا عیراقێ، ڕەوشا ناڤخۆ و هەلبژارتنێن پهرلهمانێ كوردستانێ و دانوستاندنێن ههولێر ـ بهغدا بۆ چارهسهركرنا ئاریشەیێن دناڤبەرا واندا گوتۆبێژكرن.
ههردوولایان دووپات ل گرنگيیا ئهنجامدان و سهرئێخستنا هەلبژارتنان بۆ ههرێما كوردستانێ كر و هیڤییا سهركهفتنێ بۆ پرۆسهیا دهنگدانێ خواست. دهربارهى پهيوهندييێن ههولێر ـ بهغدا ژی، د هەڤڕا بوون لسهر هندێ ئاریشەیان ب دانوستاندن و لێكتێگەهشتنێ چارهسهر بكەن.
