نوینەرێ تایبەتێ سکرتێرێ گشتییێ نەتەوێن ئێكگرتی ل عیراقێ پەیامەكا ڤیدیۆیی ل دۆر هەلبژارتنێن خۆلا شەشێ یا پەڕلەمانێ كوردستانێ بەلاڤكر و تێدا دۆپات كر، ئەو دێ هاریكارییا کۆمسیۆنێ کەن داكو هەلبژارتنێن پەڕلەمانی ” ئازاد، دادپەروەرانە و شەفاف ” بهێنە ئەنجامدان.
محەمەد حەسان، نوینەرێ تایبەتێ سکرتێرێ گشتییێ نەتەوێن ئێكگرتی ل عیراقێ د پەیاما خۆ دا هاولاتییێن هەرێما کوردستانێ هانددەت بچنە سەر سندوقێن دەنگدانێ و راگەهاند، پێدڤییە خەلكێ هەرێما كوردستانێ، ڕۆژێن ئەیینی و ئێكشەمبێ بچنە سەر سندۆقێن دەنگدانێ داكو مافێن خۆ دەستەبەر بكەن و نوینەرێ خۆ بۆ پەڕلەمانێ بهێت هەلبژێرن.
دیار ژی كر، هەرێما کوردستانا نوكە زۆر جیاوازترە ژ 10 سالێن بووری، گەلەك مەندەهۆشم ب وان پێشكەفتنێن نوكە یێن هەرێمێ. پشت ڕاستم هێشتا ئاستەنگ ل بەرامبەر هەرێمێ هەنە، لێ كوردستان ل سەر ڕێیەكا ڕاستە و بەرەڤ پاشەرۆژەكا باشتر پێنگاڤان دهاڤێژیت.
