نێچیرڤان بارزانى: دڤان هه‌لبژارتناندا سه‌ركه‌ڤتییێ ئێكێ خه‌لكێ كوردستانێیه‌

نێچیرڤان بارزانى سه‌رۆكێ هه‌رێما كوردستانێ پشتى ل بنگه‌هه‌كێ هه‌ولێرێ ده‌نگێ خۆ داى د دگوتاره‌كێدا دیاركر، پێنگاڤه‌كا گرنگ د چارچووڤێ پرۆسه‌یا دیموكراسییا ڤى وه‌لاتیدا هاته‌ هاڤێتن، دڤێ پرۆسه‌یێدا سه‌ركه‌ڤتییێ ئێكێ خه‌لكی كوردستانێیه‌.

گوت ژى: ئه‌ڤ هه‌لبژارتنه‌ بۆ وان دگرنگن، ژبه‌ركو ڕه‌وایه‌تى و شه‌رعییه‌تێ د ده‌ته‌ داموده‌زگه‌هێن هه‌رێما كوردستانێ، هیڤییا وى ئه‌ڤه‌ ئه‌ڤ پرۆسه‌ ب ئارامى ب ڕێڤه‌بچیت و ل سه‌رانسه‌رى هه‌رێما كوردستانێ خه‌لك پشكدارییێ تێدا بكه‌ت.