سەرکەڤتنا پارتی بۆ وێ پلانا هاتیە دانان ڤەدگەریت یا ب گیانێ کوردایەتیێ دارێتی، ئەم دێ باس ل سنوورێ لقێ ئێک کەین و ب تایبەت لژنا ناوچا شۆڕەش کەینە نموونە، لقێ ئێک یێ پارتی ب سەرکێشیا دکتور نەوزادی عەبدوللا، کارەکێ وەسا کر کو شیان رێژەیا دەنگدەرێن پارتی ب شێوەکێ بەرچاڤ بلند بکەن، ئانکو من دڤێت بێژم ئەوا پلان بۆ هاتیە دارێشتن ژ وێ پتر بدەستڤە ئینا، دکتور نەوزادی کارەک دکر کو مە بەرپرسێن بڤێ روحیەتا کارکرن و خزمەتکرنێ گەلەک ژ مێژەبوو نە دیتین، بگرە ژ گرنگیدان ب پیرۆزییێن جڤاکی ژ وانا ئایین و بەرز ڕاگرتنا هزرا نەتەوەیی، هەرەوەسا خزمەتکرنا وەلاتییان بێی جوداهی، مزگەفت، قوتابخانە، کۆلان و جاددەیێن دهۆکێ هاتنە سەخبێرکرن و گرنگیەکا مەزن ب هەمی چینان هاتە دان، ئەوا مە ژ بەرپرسێ لقێ ئێک دیتی دویڤچوونا رێبازا بارزانییە ئانکو خزمەتکرنا وەلاتیان رێبازا پارتی و بارزانییە.
دیسان ئەم دێ لژنا ناوچا شۆڕەش کەینە نموونە بۆ ڤێ سەرکەڤتنا پارتی ل سەرانسەری کوردستانێ بدەستڤە ئینای، رێژەیا دەنگدانێ ل سالا 2021 ل سنوورێ لژنا ناڤبری نێزیکی 50% بوو ئەڤ رێژەیە د ڤێ هەلبژارتنێ دا گەهشتە نێزیکی 75 % یا پشکداربوویان، ئەڤە ژی وێ چەندێ دیاردکەت کو رێژەیا بلند یا پشکداربوویان ل ئەڤێ لژنێ پێشبینیا بۆ هاتیەکرن دەربازکر. چاوا و ب چ رێک ئەڤە دەستڤە هات؟
هەڤال/ شێخ مصطفی تلاکروی، بەرپرسێ لژنا ناوچا شۆڕەش ب راسپاردێن لقێ ئێک یا پارتی و بجهئینانا وان ئاراستەو پلانێن هاتینە دارێشتن کارەکێ گەلەک باش کر، بگرە ژ وێ سەرەدەریا جوان یا دگەل کەسێن دلمای ژ پارتی و گەهاندنا داخوازی و گازندەیێن وان بۆ لقێ ئێک و دیسان بۆ جهێن شولەژێ و چارەسەرکرنا گەلەک ژ وان ئاریشەیان، هەروەسا کارکرنا ب شەڤ و ڕۆژ و نێزیکبوون ژ وەلاتییان و خزمەتکرنا وان بێی جوداهی.
دێ نموونەیەکا من دیتی بۆ هەوە ڤەگوهێزم؛ وەلاتییەکێ گەلەک توڕە ژ پارتی و یێ دلمای ژ ڕەوشا گەلەک ب نەجوانی و ب توڕەیی سەرەدەری دگەل هەڤالێن مە کربوو، دەمێ هەڤالێ مە ئەحمەد سەعدون هاتیە دەف من و رینشتی من ئەو چەندە بۆ باسکر، گۆتە من خەما نەخو ئەز دێ بزاڤێ کەم و ئێکسەر دگەل ئاخڤت، ئەوی دەنگدەری ب نەخۆشی ئاخڤت، لێ ئەو شێوێ جوانێ هەڤال ئەحمەدی سەرەدەری دگەل کری بۆ ئەگەر کو دەنگدەرێ دلمای دیسان ڕازیببیت ب دەنگدانێ ب پارتی و دلخۆشبوو ب ڤێ یا دگەل هاتیە کرن.
نموونەکا دی، من پەیوەندی ب ناسیارەکی کر کو پشکدارییێ د دەنگدانێ دا بکەت ئەوی گۆتە من ڤی بابەتی دگەل من نەڤەکە و پەیوەندی دانا لێ دیسان من پەیوەندی پێ کرەڤە، ئەز پاشڤەبرم و خۆ نەڕازیکر و تۆرەبوو لێ پشتی چەند جارێن پەیوەندی کرنێ ڕازیبو کو دانوستاندنێ دگەل من بکەت بۆ دەمێ 27 خولەکێن دانوستاندنێ ئەو ڕازیبوو، سوپاسیا من کر کو من بۆ دیارکری کا ئەڤ هەلبژارتنە چەند د گرنگن بۆ وەلاتییان و ب تایبەت سەرخستنا پارتی چونکی دێ پتر کوردستان یا پاراستی بیت و رێکا ئاڤەدانییێ بەردەوام بیت.
نموونەکا دی یا من دیتی ل لژنا شۆڕەش دڤێ هەوێ دا ئەو بۆ دەمێ کەسێن دەست کورت سەرەدانا مە دکر و ب دەست ڤالا نە ڤەدگەریان، ڕۆژەکێ ل دەمژمێر دەهی سپێدێ ژنەک و دوو زارۆکێن خۆ هاتنە پشکا هەلبژارتنان و دناڤا ئاخڤتنێن خۆدا کرە گری ژبەر زارۆکێن خۆ یێن ئێتیم و هەژار، من گۆتێ دەیکێ دلێ خۆ نەهێلە تو یا ل مالا بارزان و دێ هاریکاریا تە هێتە کرن و زارۆکێن تە دێ هێنە دلخۆشکرن، پشتی چایەک ل دەف مە ڤەخاری، ئێکسەر چوومە دەف بەرپرسێ لژنێ و ئاریشا ڤێ دەیکێ من گەهاندێ، هارکاریا وێ هاتە کرن و بەری ژ لژنێ ب دەرکەڤیت هاتە د ژۆرا مە ڤە و گەلەک لاڤ بوومە کرن و پاشان ب ڕۆندکێن کەیفێ ژ بارەگایێ لژنێ دەرکەڤت.
من دڤێت بێژم کو ئەڤا د ئەڤێ هەوا هەلبژارتنان دا هاتیە کرن پێدڤیە پارتی یا بەردەوام بیت، ب تایبەت پشتی هەلبژارتنان، د هزرا من دا دڤێت پارتی دیمۆکراتی کوردستان بەردەوامییێ بدەتە وێ روحیەتا خزمەتکرنێ یا د هەوا هەلبژارتنان دا کری، ئەز دبینم ئەڤ چەندە دێ هێتە دی، دەمێ بارەگایێن حزبی دبنە جهێ دلخۆشکرنا وەلاتییان و ب رێز و ڤیان کار بهێتەکرن. خزمەتکرن ب ئێک دەست و بێی فەرق و جوداهی، کارکرنا ب شەڤ و ڕۆژ ژ بۆ خزمەتکرنا وەلاتییان و لبەرچاڤگرتن و گرنگیدان ب وان پیرۆزییێن جڤاکێ مە دێ سەرکەڤتن د بەردەوام بن.
