قاسم ئه‌عره‌جى سه‌ركه‌ڤتنا هه‌لبژارتنان ل مه‌سرور بارزانى پیرۆز كر

حكومه‌تا هه‌رێما كوردستانێ ڕاگه‌هاند، مه‌سرور بارزانى سه‌رۆكێ حكومه‌تا هه‌رێما كوردستانێ پێشوازى ل قاسم ئه‌عره‌جى شیره‌تكارێ ئاسایشا نیشتیمانییا عیراقێ كر.

د دیدارا واندا دانوستاندن ل دۆر دووماهى گوهۆرین و پێشهاته‌یێن ڕه‌وشا ئه‌منییا عیراقێ ب گشتى هاته‌ كرن، شیره‌تكارێ ئاسایشا نیشتیمانییا عیراقێ سه‌ركه‌ڤتنا پرۆسه‌یا هه‌لبژارتنێن خۆلا شه‌شێ یا په‌رله‌مانێ كوردستانێ ل مه‌سرور بارزانى سه‌رۆكێ حكومه‌تا هه‌رێمێ پیرۆزكر.

ل دووماهییا دیدارێ هه‌ردوو لایه‌ن ل سه‌ر گرنگییا گه‌شه‌پێدانا زێده‌تر یا هاریكارى و هه‌ماهه‌نگییا دناڤبه‌را حكومه‌تا هه‌رێما كوردستانێ و حكومه‌تا فیدرالدا و ڕووبرووبوونا مه‌ترسى و گه‌فێن تیرۆرێ و پاراستنا ئاسایش و سه‌قامگێرییا هه‌رێما كوردستانێ و عیراقێ ب گشتى دهه‌ڤرابوون.